Kîam 4:12 - ÎVUKU RÎA ÛVORO MWARO

¹² Wana warîma mûtheturî icio, gûtirî kîndû gîgaakûraga kuo. Ndûkaagîa na wîkaro na nîûtûûra ûrûûraga gûkû nthî.”

Kîam 4:12 ပူးပေါင်းရင်းမြစ်များ

Kîam 4:13

Kaini nîwerire Ngai-Mûnene atîrî, “Îvera rîu nî rînene mûno ndingîrîvota.

Kîam 4:14

Nîwamîngata nyume gûkû nthî wana nyume kûrî we. Nie ndikaagîa na wîkaro. Nîndûûra nthiûrûrûkaga na mbûrûraga gûkû nthî. Mûndû wa wonthe ûkaamona nîakaambûraga.”

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Thaburi 109:10

Ciana ciake nîciûrûrage ikîvoyaga; na mengatwe kuuma maganjorî kûrîa matûûraga!

Nthi 28:17

Mûndû ûrîa ûraganîte atûûraga aûrûraga nginya rîrîa agaakua, mûndû ta ûcio ndagîrîrwe nî gûtethua.

Hosea 9:17

Ngai wakwa nîakaaregana nao, nîûndû nîmaregete kûmûthikîrîria; nîmatûûra maûrûraga mavûrûrirî.

Joeli 1:10

Mîgûnda îtigîtwe îtarî kîndû, nthî nîîracakaya nîûndû ngano nînjûkangie, ndivei nî nthiru na maguta magatura.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Alawi 26:20

Wana mwaruta wîra na kîîo kînene atîa, wîra wenyu ndûkaamûtethia, nîûndû gûtirî irio igaakûra vûrûrirî wenyu na mîtî ya kuo ndîgaaciara maciaro.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Aroma 8:20

Nîûndû indo cionthe cia nthî ciatuirwe cia mana, nwatî gûtiarî kwenda gwa cio, nî Ngai wendaga ciîkare guo. Kûnekariî ûguo ciarî na kîîrîgîrîro

Gûco 28:15

“Nwatî ethîrwa mûtikaathîkîra na kinyi ûrîa Ngai-Mûnene Ngai wenyu akuuga, kana mûrege kûvingia maathani make na maûndû monthe marîa ngûmwatha ûmûnthî nîmûkaanyitwa nî irumi ino cionthe irûmîrîrîte na mûtûûre nacio nginya rîrîa ikaamûthiria.