Kîam 4:10 - ÎVUKU RÎA ÛVORO MWARO

¹⁰ Ngai-Mûnene nîwamûririe atîrî, “Wîkîte ûguo nîkî? Nthakame ya mûrwanyûkwe nîîrandîrîrîra îrî gûkû mûtheturî.

Kîam 4:10 ပူးပေါင်းရင်းမြစ်များ

Kîam 18:20

Ngai-Mûnene nîwacokire akîra Iburahimu atîrî, “Nîmbîguîte maûndû macûku megiî andû a Sodomu na Gomora na wîvia wao nî mûnene mûno.

Kîam 3:13

Ngai-Mûnene, Ngai nîwaûririe mûndûmûka ûcio atîrî, “Wîkire ûguo nîkî?” Nake Mûndûmûka nîwamûcokerie atîrî, “Nî njoka îmvenererie narîrîa.”

Kîam 9:5

Mûndû wa wonthe ûkaaûraganaga, akaaûragagwa. Nyamû wa yonthe îkaaûragaga mûndû, îkaûragagwa.

2Atha 9:26

‘Nama îgoro nînîronire kimba Kîam Nabothi wana ciimba cia anake ake. Ngaakûûragîra mûgûndarî wa ûyû nîguo nîîrîvîrîrie.’ Kwoguo Jehu nîwerire mûrangîri wake atîrî ‘Oca kimba gîake ûthiî ûgikie mûgûndarî wa Nabothi, wata ûrîa Ngai-Mûnene aaugire.’ ”

2Maû 28:9

Kwarî mûrathi wa Ngai-Mûnene wetagwa Odedi na watûûraga kûu Samaria. Nîwaumagarire akîthiî gûtûnga athigari a mbaara a Isiraeli vamwe na athigari arîa maatavîte a Juda rîrîa maarî vakuvî gûtonya Samaria. Nîwamerire atîrî, “Ngai-Mûnene, Ngai wa methe menyu nîwarekererie andû a Juda kûrî mue nîûndû nîwarakarîtue nîo. Nwatî Ngai nîwonete ûrîa mûragîte andû acio mûtakûmacaîra.

Ayubu 16:18

We nthî, ndûgakunîkîre nthakame yakwa, tiga maûndû ma kîvooto marîa mbaragia matambe kûrî andû onthe.

Ayubu 24:12

Na kûu matûûrarî kûrî na mûcayo wa arîa marakua, na arîa agurarie nîmarakaa makîenda ûtethio, nwatî Ngai ndathikagîrîria mavoya mao.

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Thaburi 72:14

Nîamavonokagia kuuma kûrî arîa mamavinyagîrîria na arîa aganu, nîûndû ûtûûro wao ûrî vata mbere yake.

Thaburi 9:12

Nîûndû arîa maûragagwa Ngai-Mûnene nîamarîvagîrîria, ndariganagîrwa nî kîrîro Kîam arîa maranyarirîka.

Thaburi 9:13

Mbîguîra ntha, we Ngai-Mûnene! Taroria ûrîa nîrathînua nî nthû ciakwa! Mvonokia ndigakue, we Ngai-Mûnene,

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Ndari 35:33

Mûtigacûkangie vûrûri ûrîa mûtûûraga na njîra ya kûragana, nîûndû nthakame ya mûndû aûragîtwe nîcûkagia vûrûri. Gûtirî njîra îngî ya kûtheria vûrûri kuumana na wîvia ûcio tiga kûraga mûndû ûcio ûraganîte.

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Ciîko 5:9

Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

Gûco 21:1

“Kûngîkethîrwa kûrî na mûndû mûrage na agaikua na kûu kîthakarî vûrûrirî ûrîa Ngai-Mûnene Ngai wenyu akûmûva mûwîgwatîre, na kwîthîrwe gûtakûmenyekana ûrîa ûmûragîte,

Ahib 11:4

Wîtîkio nîguo watûmire Abili ategera Ngai îgongoona rîaro gûkîra rîrîa Kaini aategire. Nîûndû wa gwîtîkia Ngai Abili nîwatuirwe mûthingu, nîûndû Ngai nîwetîkîrire maruta make. Na njîra ya wîtîkio Abili nwa waragia wana ethîrwa nî wakuire.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

1Sam 13:11

Nake Saûlo nîwacokirie na akiuga atîrî, “Rîrîa nie monire atî andû nîkwa makûnyaganagia makîndiganagîria na we ndûrarî mûku vîndî îrîa wambîrîte nîûgûka, na atî Afilisiti maûnganîte kûu Mikimashi;