Kîam 39:12 - ÎVUKU RÎA ÛVORO MWARO

¹² Mûka wa Potifa nîwanyitire nguo ya Josefu na akîmwîra atîrî, “Ûka ûmenyane kîîmwîrî nanie.” Nwatî Josefu nîwetigithirie, akiuma nja avinyûrîte, na agîtiga nguo yake njararî ya mûndûmûka ûcio.

Kîam 39:12 ပူးပေါင်းရင်းမြစ်များ

Kîam 39:10

Wana ethîrwa mûndûmûka ûcio nîwekarire akîraga Josefu ûndû ûcio mûthenya wa mûthenya, Josefu ndetîkîra kûmama nake.

Kîam 39:11

Nwatî mûthenya ûmwe, Josefu nîwathiîre nyomba kûruta wîra wake, na gûtiarî ndungata îngî kûu nyomba tiga ke.

Kîam 39:13

Rîrîa mûndûmûka ûcio oonire atî Josefu nîwaûra na atiga nguo yake,

Kîam 39:8

Nwatî Josefu nîwaregire na agîcokeria mûka wa mwathi wake atîrî, “Nîwîcî atî mwathi wakwa ndarûmbûyanagia na ûndû wana ûrîkû wa mûciî nîûndû nîrî kuo. Nîanduîte mûmenyereri wa indo ciake cionthe.

2Sam 13:11

Nwatî rîrîa Tamarû aamûkuvîvîrie, Amunoni nîwamûnyitire njara na akîmwîra atîrî, “Ûka tûmame nawe mwarwaiya.”

Nthi 1:15

Mwana wakwa, ndûkathiîcanie nao, ndûkarûmîrîre mîthiîre yao.

Nthi 5:8

Îkaraga varaca na mûndûmûka ta ûcio! Ndûkathiî vakuvî na mûromo wa nyomba yake!

Nthi 6:5

Îîvonokie ta nthiia îkiuma kûrî mûguîmi, kana ta gîconi gîkiuma kûrî mûtegi.

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

1Sam 15:27

Rîrîa Samueli aagarûrûkire athiî, Saûlo nîwanyitire nguo ya Samueli na îgîtembûka.