Kîam 39:11 - ÎVUKU RÎA ÛVORO MWARO

¹¹ Nwatî mûthenya ûmwe, Josefu nîwathiîre nyomba kûruta wîra wake, na gûtiarî ndungata îngî kûu nyomba tiga ke.

Kîam 39:11 ပူးပေါင်းရင်းမြစ်များ

Kîam 39:10

Wana ethîrwa mûndûmûka ûcio nîwekarire akîraga Josefu ûndû ûcio mûthenya wa mûthenya, Josefu ndetîkîra kûmama nake.

Kîam 39:12

Mûka wa Potifa nîwanyitire nguo ya Josefu na akîmwîra atîrî, “Ûka ûmenyane kîîmwîrî nanie.” Nwatî Josefu nîwetigithirie, akiuma nja avinyûrîte, na agîtiga nguo yake njararî ya mûndûmûka ûcio.

Ayubu 24:15

Kîtharia gîetagîrîra kûgîe na rûkurerema, kiugaga gûtirî mûndû ûgûkîona, gîîkunîkaga ûthiû nîguo gîtikamenywe.

Nthi 9:17

“Manjî ma kwîa marî mûrîo, na mûgate ûrîa ûrîcagîrwa nthithorî ûrî cama makîria.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Aefeso 5:12

(Nî ûndû ûrî na nthoni mûno wana nginya kwaria ûvoro wîgiî maûndû marîa mekagîra nthithorî.)

Aefeso 5:3

Na nîûndû mûrî andû a Ngai, maûndû mamwe matiagîrîrwe wana nî kûgwetwa gatagatîrî kenyu, namo nî ûmaraa, ûûra nthoni na ûkoroku.