Kîam 38:9 - ÎVUKU RÎA ÛVORO MWARO

⁹ Nwatî Onani nîwamenyire atî ciana icio itîgaatuîka ciake. Kwoguo rîrîa rîonthe amenyana kîîmwîrî na mûka wa mûrwang'ina nîwetûrûraga vinya wa ûciari nthî nîguo ndagaciarîre mûrwang'ina ciana.

Kîam 38:9 ပူးပေါင်းရင်းမြစ်များ

Kîam 38:10

Ûndû ûcio Onani eekire nîwarakaririe Ngai-Mûnene, na Ngai-Mûnene akîmûraga wanake.

Ayubu 5:2

Marakara maûragaga kîrimû, naguo wîru ûragaga mûndû mûritu.

Nthi 27:4

Marakara na mang'ûrîka nîkwa macûkangagia, nwatî wîru nîûcûkangagia makîria.

Gûco 25:5

“Ethîrwa mûndû matûûranîrîte na mûrwang'ina mûgûndarî ûmwe, na mûrwang'ina ûcio akue matagîte kavîcî, mûka ndagîrîrwe nî kûthambua nî mûndû ûtarî wa mûciî. Mûrwang'ina na mûthuuriwe nîke wagîrîrwe nî kûmûthambia.

Gûco 25:6

Kavîcî ka mbere karîa mûndûmûka ûcio magaaciara nake, gageetanua na mûthuuriwe ûcio wakwire nîguo rîîtwa rîake rîtikariganîre kûrî andû a Isiraeli.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Jakuvu 3:14

Nwatî ethîrwa ngororî cienyu mûrî na wîru, ûrûrû na wîyendi, mûtigetîîe na ûûgî wenyu, nîûndû mweka ûguo nî mûreganîte na ûma.

Jakuvu 3:16

Varîa varî wîru na wîyendi, vethagîrwa varî na mbûkanîrîro na maûndû macûku ma mîthemba yonthe.

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”

Ruthu 1:11

Nake Naomi nîwamerire atîrî, “Aarî akwa, cokani. Mûrenda tûthiî namue nîkî? Mûreciria nwa mvote kûgîa na ciana ciîngî cia anake ingîmûvikia?

Ruthu 4:10

Vamwe na ûguo, Ruthu ûcio Mûmoabu, mûndûmûka ûcio watigirwe nî Mahaloni nîwatuîka mûka wakwa, nîguo ngagaa rîîtwa rîa ûcio wakwire, na rîîtwa rîa andû a mûciî wake rîthiî na mbere gatagatîrî ka andû ao na andû a îtûûra rîa kwao. Mue mûrî aira a maûndû mau mûthenya wa ûmûnthî.”