Kîam 38:5 - ÎVUKU RÎA ÛVORO MWARO

⁵ Nîwacokire agîciara kavîcî na agîgatuîrîra rîîtwa Shela. Kavîcî kau gagîciarwa Juda aarî Akizibu.

Kîam 38:5 ပူးပေါင်းရင်းမြစ်များ

Kîam 38:11

Juda nîwerire Tamarû mûka wa mûvîcî atîrî, “Coka ûgekare kwa aguo ûrî mûka wa ndigwa, nginya rîrîa Shela mûvîcîwa agaakûra.” Juda aamwîrire ûguo nîûndû nîwetigagîra akîona takwa Shela angîûragwa ta aa mûrwang'ina. Kwoguo Tamarû nîwacokire kwao.

Kîam 38:26

Juda nîwamenyire indo icio na akiuga atîrî, “Tamarû nî mûthingu kûngîra, nîûndû nînie nîraregire kûmûnenganîra kûrî mûvîcîwa Shela.” Juda ndaacoka kûmenyana kîîmwîrî nake rîngî.

Kîam 38:6

Juda nîwacarîrie Eri mwana wake wa îrikithathi mwîrîtu wetagwa Tamarû atuîke mûka.

Kîam 46:12

Avîcî a Juda maarî: Eri, Onani, Shela, Perezi na Zera, (nwatî Eri na Onani nîmakuîrîrîte Kanaani). Avîcî a Perezi maarî: Hezironi na Hamuli.

1Maû 2:3

Juda aarî na anake atano. Bathi-shua mûka ûrîa warî Mûkanaani aamûciarîre avîcî athatû, nao nî: Eri, Onani, na Shela. Eri mûvîcî ûrîa wa îrikithathi nîwekaga maûndû macûku mûno, kwoguo Ngai-Mûnene nîwamûragire.

1Maû 4:21

Shela aarî mûvîcî wa Juda. Avîcî a Shela maarî: Eri, îthe wa tene wa andû arîa maatûûraga îtûûrarî rîa Leka; Laada îthe wa tene wa andû arîa maatûûraga îtûûrarî rîa Maresha; na mbarî ya andû arîa maatumaga nguo na vamba na maatûûraga îtûûrarî rîa Bethi Ashibea.

Ndari 26:19

Anake aîrî a Juda, Eri na Onani maakuîrîre Kanaani.

Ndari 26:20

Andû acio engî a mûvîrîga wa Juda maarî: mbarî ya Shela, mbarî ya Perezi na mbarî ya Zera.