Kîam 38:26 - ÎVUKU RÎA ÛVORO MWARO

²⁶ Juda nîwamenyire indo icio na akiuga atîrî, “Tamarû nî mûthingu kûngîra, nîûndû nînie nîraregire kûmûnenganîra kûrî mûvîcîwa Shela.” Juda ndaacoka kûmenyana kîîmwîrî nake rîngî.

Kîam 38:26 ပူးပေါင်းရင်းမြစ်များ

Kîam 37:33

Jakovu nîwaroririe nguo îo na akîmîmenya. Nîwaugîrîrie atîrî, “Nguo îno nî îrîa ya mûvîcîwa! Nîararîrwe nî nyamû ya kîthaka. Mûvîcîwa Josefu nîmûtembûrange nî nyamû viû!”

Kîam 38:14

Kwoguo nîwarutire nguo irîa ciîkagîrwa nî aka a ndigwa, na agîîkunîka ûthiû na gîtambaa. Nîwacokire akîthiî agîkara nthî kîvingorî Kîam îtûûra rîa Enaimu njîrarî ya kûthiî Timuna. Tamarû nîwamenyete atî mwanake ûrîa warî kîvinga nda Kîam Juda wetagwa Shela aarî mûgima na ndaanenganagîrwa kûrî ke nîguo amûvikie.

Kîam 4:1

Adamu nîwamenyanire kîîmwîrî na mûka. Mûka nîwagîre îvu na agîciara Kaini. Nake nîwaugire atîrî, “Nie nîrîmûgîu na mûndûmûrûme nîûndû wa gûtethua nî Ngai-Mûnene.”

2Sam 16:22

Kwoguo nîmaambîre Abusalomu îgema îgûrû rîa nyomba îo, na Abusalomu akîthiî na akîmenyana kîîmwîrî na aka acio îthe aaigîte Aisiraeli onthe makîonaga.

2Sam 20:3

Rîrîa Daudi aakinyire gwake mûciî Jerusalemu, nîwocire aka îkûmi arîa aaigîte na aatigîte mamenyagîrîra mûciî na akiuga maigwe vandû nyomba mekarage marangîrîtwe. Nîwamavecaga kîrîa kîonthe maavataraga, nwatî ndaacoka kûmenyana nao kîîmwîrî. Maatûûrire mavingîrîtwe mekariî ta aka a ndigwa nginya rîrîa maakuire.

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

Ayubu 4:5

Nwatî rîu we wîthîrîtwe na thîna na ndûngîvota kûmîrîria, wî mûvutie nîguo na ûgetigîra.

Ayubu 40:5

Nîmbarîtie maita meengî nwatî ndikaaria rîngî, nîmbarîtie mûno nwatî ndikwaria rîngî.”

Ezek 16:52

Rîu we nîûtûûra ûconokete nîûndû nîûtûmîte aa mwarwanyûkwe monekane ta matavîtîtie nîûndû nîwekire maûndû macûku mûno kûmakîra nao makîonekana marî athingu gûgûkîra. Kwoguo nîûconoka nîûndû nîûtûmîte aa mwarwanyûkwe monekane matarî na mavîtia.”

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Mathaayo 3:8

Îkani maûndû ma kwonania atî nîmwîrirîte mevia menyu.

Johana 8:9

Rîrîa meegwire ûguo, nîmaambîrîrie kûthiî ûmwe kwa ûmwe, mambîrîrîtue nî arîa maarî akûrû. Nao nîmaatigire Jesû arî wenga na mûndûmûka ûcio arûngamîte wa varîa aarî.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 24:18

Ûmûnthî we nîwonania ûrîa ûrî mwagîrîru nîûndû ndûnambûraga wana ethîrwa Ngai-Mûnene nîaranenganîrîte kûrî we!