Kîam 38:24 - ÎVUKU RÎA ÛVORO MWARO

²⁴ Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

Kîam 38:24 ပူးပေါင်းရင်းမြစ်များ

Kîam 20:3

Nwatî na njîra ya kîroto Ngai nîwaumîrîre Abimeleki na akîmwîra atîrî, “We nîûgûkua nîûndû wa gwoca mûndûmûka ûyû. Ke nî mûka wene.”

Kîam 20:7

Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

Kîam 20:9

Abimeleki nîwacokire agîta Iburahimu na akîmûria atîrî, “Nîkwa ûtwîkire atîa? Nî ûndû ûrîkû mûcûku ngwîkire nîguo ûtûme ndeterwe mathîna nie wana andû arîa mbathaga. Nîûmbîkîte ûndû ûrîa ndagîrîrwe nî gwîkwa.

Kîam 34:31

Nao nîmaamûcokerie atîrî, “Tûtingîtîkîra mwarwaiya ekwe maûndû ta ma mûmaraa.”

Kîam 38:23

Juda nîwacokirie atîrî, “Nîekare nacio tûtanecambithia. Ngûtûmire ûmûvirîre koori karîa twarîkanîre nake nwatî ndûnamwona.”

2Sam 12:5

Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

2Sam 12:7

Nake mûrathi Nathani nîwerire Daudi atîrî, “We nîwe mûndû ûcio, na Ngai-Mûnene, Ngai wa Isiraeli arauga atîrî, ‘Naagûtuire mûthamaki wa Isiraeli na ngîkûvonokia kuuma kûrî Saûlo.

Mûvunjia 7:26

Ûndû ûrîa namenyire mûcûku mûno gûkîra gîkuû nî mûndûmûka ûrîa ngoro yake îkariî ta mûtego na njara ciake nîta mvîngû cia kûnyita mûndû. Mûndû ûrîa wîtigîrîte Ngai nwa etheme mûndûmûka ûcio, nwatî mûndû ûrîa wîvagia nîanyitagwa nîke.

Jeremia 2:20

Kwa îvinda îraca nîwaunangire îcoki rîaku, na ûgîtucanga nyororo ciaku; na ûkiuga atîrî, “Tîngûtungatîra.” Nama karîmarî wa konthe, rungu rwa mûtî wa wonthe watuîkire ta îraa, wînamagîrîre ngai cia mîvuanano.

Jeremia 3:1

Mûndû mûrûme angîta mûka, na athiî akînagûrwa nî mûndûmûrûme wîngî, mûndû mûrûme ûrîa wamûvikîtie mbere, nwa acokerere mûndûmûka ûcio rîngî? Na kinthî gwîka ûguo tî kûgwatia vûrûri wonthe mûgiro? Nwatî we Isiraeli nî ûvûrîte ûmaraa na anyanya engî, rîu we ûrenda kûnjokerera? Ûguo nîguo Ngai-Mûnene arauga.

Jeremia 3:6

Vîndî îrîa Josia aarî mûthamaki, Ngai-Mûnene nîwambîrire atîrî, “Wî mwonu ûrîa Isiraeli, ûcio ûtarî mwîvokeku ekîte? Ke nîathiîte tûrîmarî tuonthe na akathiî rungu rwa mîtî mîruru na akavûûrîra ûmaraa kuo.

Jeremia 3:8

Juda nîwonire atî naveere Isiraeli maarûa ya kûmûta nîûndû ndaarî mwîvokeku na nîwekîte mevia meengî ma ûtharia. Kûnarî ûguo, Juda mwarwang'ina ûrîa mûthaani ndetigîra, nwatî wanake nîwathiîre kûvûûra ûmaraa.

Ezek 16:15

“Nîwevokire ûthaka waku, nayo ngumo yaku îgîtûma ûvûre ûmaraa. Mûndû wa wonthe waûkaga kûrî we nîwavûraga ûmaraa nake.

Ezek 16:25

Makathîkanorî ma njîra cionthe nîwetumire kûndû gûtûgîru na ûkîvûthîra ûthaka waku na njîra ya ûmaraa kûrî mûndû wa wonthe ûrîa wavîtûkaga, na njîra îo ûmaraa waku ûkîongerereka mûno.

Ezek 16:26

Nîwavûrire ûmaraa na andû a Misiri arîa mûriganîtie nao na makwîriragîria, ûmaraa waku nîwongererekire na ûgîtûma ndakare.

Ezek 16:28

“Nîwavûrire ûmaraa na andû a Asîria nîûndû ndweganîra; nîma nîwavûrire ûmaraa nao na ndweganîra.

Ezek 16:41

Nîmagaacoka mavîvie nyomba ciaku, na makûverithie aka eengî makîonaga, na nîngaatûma ûtige kûvûra ûmaraa na ûtige kûrîva andû nîguo mavûre ûmaraa nawe rîngî.

Ezek 23:19

Kûnarî ûguo, nîwathiîre na mbere kûvûra ûmaraa na vinya mûno, ta ûrîa eekaga arî mwîthî rîrîa aavûraga ûmaraa vûrûrirî wa Misiri.

Ezek 23:44

Arûme acio maathiîcaga kûrî ke ta ûrîa mathiîcaga kûrî mûmaraa. Ûguo nîguo maathiîcaga kûrî Ohola na kûrî Oholiba, aka acio amaramaru.

Ezek 23:5

Ohola anarî mûka wakwa, nîwavûraga ûmaraa na kwîrirîria andû arîa mendanîte nao a kuuma Asîria.

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Hosea 3:3

Nwatî nînamwîrire atîrî, “Nwa nginya ûtûûre ûrî wakwa mîthenya mîngî ûtagwîka ciîko cia ûtharia kana gûtuîka mûka wa mûndûmûrûme wîngî; na wananie nîngûtuîka mwîvokeku kûrî we.”

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Alawi 21:9

Mwîrîtu wa mûthînjîri-Ngai angîtuîka îraa, nîaconorithagia îthe; kwoguo mwîrîtu ûcio nî akaavîvua na mwaki nginya akue.

Aroma 14:22

Wîtîkio waku îgûrû rîa maûndû mama nî ûtuîke nthitho gatagatîrî gaku na Ngai. Gûkena nî mûndû ûrîa ûtecukaga vîndî îrîa areka ûndû ûrîa onaga ûrî mwaro!

Gûco 24:16

“Aciari matikaaûragwa nîûndû wa wîvia wa ciana ciao, nacio ciana itikaaûragwa nîûndû wa wîvia wa aciari ao. Wa mûndû akaaûragwa nîûndû wa wîvia ûrîa ekîte ke mwene.

Atir 19:2

Mûka ûcio wa kwigwa nîwarakarirue nî Mûlawi ûcio na agîcoka kwao mûciî Bethilehemu na agîkara kuo îvinda rîa mîeri îna (4).