Kîam 38:17 - ÎVUKU RÎA ÛVORO MWARO

¹⁷ Juda nîwacokirie atîrî, “Nîngûgûtûmanîra koori kuuma kûrî ndîthia yakwa.” Tamarû nîwamûririe atîrî, “Kûrî kîndû ûkûndigîra nîguo nîînyitagîre nginya rîrîa ûkaandûmanîra koori?”

Kîam 38:17 ပူးပေါင်းရင်းမြစ်များ

Kîam 38:16

Juda nîwathiîre kûrî Tamarû mûkîrarî wa njîra, na akîmwîra atîrî, “Ûka tûmenyane nawe kîîmwîrî.” (Juda akîmwîra ûguo ndaamenyaga kana nî mûka wa mûvîcî aaragîria.) Nake Tamarû nîwamûririe atîrî, “Nîûmva ndûî nîguo mbûke tûmenyane nawe kîîmwîrî?”

Kîam 38:18

Juda nîwamûcokerie atîrî, “Nîndûî ûkwenda ngûtigîre?” Tamarû nîwamwîrire atîrî, “Mûvûri waku na mûkathî waguo, na mûragi ûcio ûnyitîte.” Nake Juda Nîwamûvere indo icio eetirie. Nîmaacokire makîmenyana kîîmwîrî, na Tamarû akîgîa îvu.

Kîam 38:20

Juda nîwatûmire Hira, Mûadulamu ûrîa mûrata wake akavire koori kûrî mûndûmûka ûcio nîguo oce indo irîa aamûtigîrîte. Nwatî Hira ndoona mûndûmûka ûcio.

Nthi 20:16

Oca nguo ya mûndû ûrîa ûrûngamîrîrîte mûndû mûgeni nîûndû wa thirî, na wîkare nayo nginya rîrîa mûndû ûcio mûgeni akaarîva thirî ûcio.

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Luka 16:8

“Nakîo gîtonga kîu nîkîaganire mûmenyereri ûcio wa indo ûtaarî mwîvokeku na ûcio watûmîrîte wara mwîngî, nîûndû andû a gûkû nthî nî aara gûkîra andû arîa methagîrwa marî a ûtheri.”

Atir 15:1

Mekaranga Samusoni nîwathiîre gûcerera mûka îvinda rîa maketha ma ngano na akîmûvirîra koori ka mbûri. Nîwerire mûthoniwe atîrî, “Nîrenda kûthiî nyomba kwa mûka wakwa.” Nwatî mûthoniwe ndeetîkîria Samusoni atonye kuo.