Kîam 38:14 - ÎVUKU RÎA ÛVORO MWARO

¹⁴ Kwoguo nîwarutire nguo irîa ciîkagîrwa nî aka a ndigwa, na agîîkunîka ûthiû na gîtambaa. Nîwacokire akîthiî agîkara nthî kîvingorî Kîam îtûûra rîa Enaimu njîrarî ya kûthiî Timuna. Tamarû nîwamenyete atî mwanake ûrîa warî kîvinga nda Kîam Juda wetagwa Shela aarî mûgima na ndaanenganagîrwa kûrî ke nîguo amûvikie.

Kîam 38:14 ပူးပေါင်းရင်းမြစ်များ

Kîam 24:65

na akîûria ndungata ya Iburahimu atîrî, “Mûndû ûûrîa wî mûgûndarî aûkîte gûtûtûnga nû?” Ndungata îo nîyacokirie atîrî, “Nî mwathi wakwa.” Mwîrîtu ûcio nîwocire gîtambaa gîake agîkunîka ûthiû.

Kîam 38:15

Juda amwona eeciririe nî mûmaraa nîûndû Tamarû nîwekunîkîte ûthiû.

Kîam 38:19

Nake Tamarû nîwaûkîrire akîthiî mûciî na akîruta gîtambaa kîrîa eekunîkîte ûthiû nakîo na agîkîra nguo îrîa îkagîrwa nî mûka wa ndigwa.

Kîam 38:26

Juda nîwamenyire indo icio na akiuga atîrî, “Tamarû nî mûthingu kûngîra, nîûndû nînie nîraregire kûmûnenganîra kûrî mûvîcîwa Shela.” Juda ndaacoka kûmenyana kîîmwîrî nake rîngî.

Nthi 7:10

Taroria, mûndûmûka nîwamûtûngire, ekîrîte nguo ta mûmaraa, na arî na wara.

Nthi 7:12

Vîndî îmwe ethagîrwa arî njîrarî, na rîngî thokorî, ekaraga akavîte ithiororî cionthe cia njîra.

Jeremia 3:2

Taroriani îgûrû rîa tûthûrûmûndû twa irîma na mwone! Kûrî vandû mûtanagoocera ngai ng'eni? Wîkaraga mûkîrarî wa njîra wetererete arûme a gûkwenda, ta ûrîa mwarabu akavagîra andû werûrî. Nîûtûmîte vûrûri ûgîe na gîko, nîûndû wa ciîko ciaku cia ûmaraa.

Ezek 16:25

Makathîkanorî ma njîra cionthe nîwetumire kûndû gûtûgîru na ûkîvûthîra ûthaka waku na njîra ya ûmaraa kûrî mûndû wa wonthe ûrîa wavîtûkaga, na njîra îo ûmaraa waku ûkîongerereka mûno.