Kîam 37:8 - ÎVUKU RÎA ÛVORO MWARO

⁸ Nao aa mûrwang'ina nîmaamûririe atîrî, “Ûreciria nama atî nîûgûtuîka mûnene wetû ûtwathage?” Nao nîmaamûmenire mûno makîria, nîûndû wa iroto ciake na nîûndû wa maûndû marîa aaugaga mamegiî.

Kîam 37:8 ပူးပေါင်းရင်းမြစ်များ

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

Kîam 37:4

Rîrîa aa mûrwang'ina moonire atî Josefu nîwendetwe nî îthe kûmakîra, nîmaamûmenire na magîtiga kûmwonia wendo.

Kîam 37:9

Josefu nîwarotire rîngî na akîra aa mûrwang'ina atîrî, “Nînîrarotire kîroto kîngî, na nona riûa, mweri na njata îkûmi na îmwe ciînamîrîrîte mbere yakwa.”

Kîam 42:10

Nao nîmaacokirie atîrî, “Naarî mwathi wetû. Tûkîte kûgûra irio twîkariî ta ngombo ciaku.

Kîam 44:18

Juda nîwathiîre kûrî Josefu na akîmwîra atîrî, “Mwathi wakwa, nakûthaitha ûmbîtîkîrie mbarie nawe nie ndungata yaku, na ndûkarakare nîûndû wakwa. Nîmbicî we ûrî na ûvoti ta wa mûthamaki wa Misiri ke mwene.

Kîam 49:26

Irathimo cia aguo irî vinya gûkîra cia irîma cia tene na tene, ciîthîrwe irî mbaro gûkîra tûrîma twa tene. Irathimo icio iroîkara kîongorî Kîam Josefu, ciîkare kîthithirî Kîam ûrîa wamûranîtue na aa mûrwang'ina.

Kîam 50:18

Aa mûrwang'ina na Josefu nîmaacokire magîûka o ene na makînamîrîra mbere ya Josefu makîmwîra atîrî, “Tue tûrî ndungata ciaku.”

Thaburi 118:22

Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.

Ntha 2:14

Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.”

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

Luka 20:17

Nwatî Jesû nîwamakûrîre metho na akîmeera atîrî, “Mûtaûkagîrwa atîa vi nî Mandîko marîa maugaga: ‘Îthiga rîrîa rîaregirwe nî atumi a nyomba, nîrîo rîtuîkîte rîa vata mûno gûkîra marîa mengî monthe.’

Ciîko 7:35

“Musa ûcio nwake waregirwe nî andû a Isiraeli rîrîa maamûûririe atîrî, ‘Nû ûgûtuire mûnene wetû na mûtûtuîri ciira?’ Ke nwake watûmirwe nî Ngai arî mûnene na mûkûri wao na njîra ya mûraika ûrîa wamumîrîre kîvîngarî kîrîa gîaakanaga mwaki.

Gûco 33:16

Vûrûri wao nîwîcûrwe nî indo cionthe mbaro, ûrorathimwa nîûndû wa ntha cia Ngai-Mûnene, ûrîa waririe arî kîthakarî kîrîa gîakanaga mwaki. Irathimo icio nîikinyîre mûvîrîga wa Josefu, nîûndû nîke warî mûtongoria gatagatîrî ka aa mûrwang'ina.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.

1Sam 17:28

Nake Eliabu, mûrwang'ina ûrîa mûkûrû nîweguire Daudi akîaria na andû acio. Nîwarakarirue nî Daudi na akîmûria atîrî, “We ûreka atîa gûkû? Ûtigîre ng'ondu icio itarî nyîngî werûrî irî na û? Nîmbicî ûrîa ûreîgîria na ûûru ûrîa ûrî ngororî yaku! Nîûndû we ûûkîte tu kwona mbaara.”

1Sam 18:8

Rîrîa Saûlo eegwire ûguo, nîwarakarire mûno na akiuga atîrî, “Marauga atî Daudi aûragîte andû ngiri makûmi meengî, nwatî nie mbûragîte tûkiri tûnini. Rîu ûndû ûrîa ûtigarîte nî kûmûtua mûthamaki.”