Kîam 37:7 - ÎVUKU RÎA ÛVORO MWARO

⁷ Tûrakundîkaga imanja cia ngano tûrî mûgûndarî. Kîmanja gîakwa kîrarûgamire kîevanda, nacio imanja cienyu ciakîthiûrûrûkîria cienamîrîra mbere ya kîmanja gîakwa.”

Kîam 37:7 ပူးပေါင်းရင်းမြစ်များ

Kîam 27:29

Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

Kîam 37:6

Nîwamerire atîrî, “Tathikîrîriani ûrîa nîrarotire.

Kîam 42:6

Vîndî îo Josefu nîke warî mûnene wa maûndû monthe vûrûrirî wa Misiri na nîke wendagîria andû onthe a vûrûri ûcio irio. Kwoguo aa mûrwang'ina nîmaathiîre mbere yake na magîturumithia mothiû mao nthî.

Kîam 42:9

Nîwaririkanire iroto irîa aarotete imegiî na akîmera atîrî, “Mue mûrî athigani na mûkîte gûtuîria nîguo mwone varîa vûrûri wetû ûtarî na vinya.”

Kîam 43:26

Rîrîa Josefu aakinyire mûciî, nîmaatonyirie iveo irîa maamûvirîrîte nyomba ndaarî, na magîturumithia mothiû mao nthî vau mbere yake.

Kîam 43:28

Nao nîmaamûcokerie atîrî, “Ndungata yaku na nîke vava arî vo na nî mwaro.” Nao nîmaaturirie ndu na magîturumithia mothiû mao nthî mbere yake.

Kîam 44:14

Rîrîa Juda na aa mûrwang'ina maacokire kwa Josefu mûciî, nîmaamwîthîrîrie kuo na makînamîrîria mothiû mao marî mbere yake.

Kîam 44:18

Juda nîwathiîre kûrî Josefu na akîmwîra atîrî, “Mwathi wakwa, nakûthaitha ûmbîtîkîrie mbarie nawe nie ndungata yaku, na ndûkarakare nîûndû wakwa. Nîmbicî we ûrî na ûvoti ta wa mûthamaki wa Misiri ke mwene.

Kîam 44:19

Mwathi wetû rîrîa twarî Misiri vîndî ya mbere nîwatûririe atîrî, ‘Aguo arî vo, na mûrî mûrwanyûkwe wîngî?’

Kîam 50:18

Aa mûrwang'ina na Josefu nîmaacokire magîûka o ene na makînamîrîra mbere ya Josefu makîmwîra atîrî, “Tue tûrî ndungata ciaku.”

Afil 2:10

Kwoguo ciûmbe cionthe irîa irî îgûrû, irîa irî nthî, wana irîa irî rungu rwa nthî, cionthe igaaturagia maru mbere ya Jesû igakumia rîîtwa rîake,

Akol 1:18

Ke nîke kîongo gîa kanitha îrîa arî yo mwîrî wake. Nîke ûtûmaga mwîrî ûgîe na mwoyo. Nîke Mûriû wa mbere kûriûkua nîguo atuîke wa mbere maûndûrî monthe.