Kîam 37:4 - ÎVUKU RÎA ÛVORO MWARO

⁴ Rîrîa aa mûrwang'ina moonire atî Josefu nîwendetwe nî îthe kûmakîra, nîmaamûmenire na magîtiga kûmwonia wendo.

Kîam 37:4 ပူးပေါင်းရင်းမြစ်များ

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

Kîam 37:11

Aa mûrwang'ina na Josefu nîmaamwîguîrîre wîru, nwatî îthe nîwaigire maûndû mau ngororî yake.

Kîam 37:5

Vîndî îmwe Josefu nîwarotire, na rîrîa eerire aa mûrwang'ina ûvoro wa kîroto kîu, nîmaamûmenire mûno makîria.

Kîam 4:5

nwatî nîwaregire Kaini wa vamwe na matega make. Kwoguo Kaini nîwarakarire mûno na agîtukia ûthiû.

Kîam 49:23

Nthû ciake nîciamûtharîkîre na vinya, nîciamûtharîkîre irî na ûta na mîguî.

Thaburi 38:19

Nthû ciakwa irî na ûgima wa mwîrî na irî na vinya; andû arîa mamenaga mana nîo eengî.

Thaburi 69:4

Arîa mamenerete mana nî eengî gûkîra njuîrî cia kîongo gîakwa. Nthû ciakwa ciaragia maveeni îgûrû rîakwa; marî na vinya na marenda kûmbûraga, nîngîvota atîa gûcokia kîndû ndaîîte?

Jeremia 12:6

Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Maariko 3:25

Wana mûciî ûngîîgaûkania, mûciî ûcio ndûngîvota kwîrûngamia.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

1Joh 2:11

Nwatî mûndû wa wonthe ûmenete mûrwang'ina, kana mwarwang'ina ethagîrwa arî ndumarî. Ke athiîcagîra ndumarî na ndamenyaga kûrîa athiîte nîûndû nduma nî îmûtete metho.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.

1Joh 4:20

Mûndû angiuga atî nîendete Ngai, nwatî ethîrwe nî amenete mûrwang'ina kana mwarwang'ina, ke nî mûthaani. Nîûndû mûndû ûrîa ûtendete mûrwang'ina ûrîa onaga ndangîvota kwenda Ngai ûrîa atonaga.

1Sam 17:28

Nake Eliabu, mûrwang'ina ûrîa mûkûrû nîweguire Daudi akîaria na andû acio. Nîwarakarirue nî Daudi na akîmûria atîrî, “We ûreka atîa gûkû? Ûtigîre ng'ondu icio itarî nyîngî werûrî irî na û? Nîmbicî ûrîa ûreîgîria na ûûru ûrîa ûrî ngororî yaku! Nîûndû we ûûkîte tu kwona mbaara.”