Kîam 32:16 - ÎVUKU RÎA ÛVORO MWARO

¹⁶ Jakovu nîwagaanirie nyamû icio kûrî ndungata ciake, na akîva wa ndungata ndîthia nîguo îmenyagîrîre. Jakovu nîwerire ndungata ciake atîrî, “Thiîni mbere yakwa na mûtigatukanie ndîthia, mûtigage mwanya gatagatîrî ka ndîthia na îrîa îngî.”

Kîam 32:16 ပူးပေါင်းရင်းမြစ်များ

Kîam 32:15

ngamîîra mîrongo îthatû irîa ciakamagwa vamwe na njaû ciacio. Ng'ombe cia nga mîrongo îna, na ndegwa îkûmi; mvunda mîrongo îîrî cia nga na îkûmi cia nûme.

Kîam 32:17

Jakovu nîwerire ndungata yake îrîa yatongoretie atîrî, “Rîrîa mûgaatûngana na mûrwaiya Esaû, na akûrie wî wa û, na nîkû ûthiîte, na indo ino nî ciaû?

Kîam 32:20

na mûcoke mûmwîre atîrî, ‘Ndungata yaku Jakovu îrî ava vuva wetû.’ Jakovu eeciragia atî nwakûvoteke akavoreria Esaû na iveo irîa ikaathiî mbere yake magîgaakinyia vîndî ya kwonana na monana avota gûkaamwîtîkîra.”

Thaburi 112:5

Kûrathimwa nî mûndû ûrîa akombithanagia indo ciake na ûtaana, ûrîa wîkaga maûndû make na njîra ya kîvooto.

Nthi 2:11

Ûkaagitagîrwa nî mîvango yaku mîaro; ûmenyo ûgaakûmenyagîrîra;

Isaia 28:26

Mûndû ûcio nîamenyaga ûrîa agwîka, nîûndû Ngai wake nîamûthomithagia.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

1Sam 25:19

Nîwacokire akîra ndungata ciake atîrî, “Thiîcagani mbere, nîngûka nîrî vuva yenyu.” Nwatî ndaamenyithia mûthuuriwe Nabali ûvoro ûcio.