Kîam 32:10 - ÎVUKU RÎA ÛVORO MWARO

¹⁰ Ndirî mwagîrîru wanarî vanini wa kwonua wendo ûtathiraga na wîvokeku ûrîa ûmonetie nie ndungata yaku. Naaringire rûnjî rwa Jorodani nîrî na mûragi tu, na rîu naûka na ikundi igîrî.

Kîam 32:10 ပူးပေါင်းရင်းမြစ်များ

Kîam 18:27

Nake Iburahimu nîwaririe rîngî akiuga atîrî, “Ngai-Mûnene njovera nîûndû wa kûmîrîria kûthiî na mbere na gûkwarîria. Nie nîrî mûndû tu na ndiagîrîrwe nî gûkwîra wanarî ûndû.

Kîam 24:12

Ndungata îo nîyavoire atîrî, “Ngai-Mûnene, Ngai wa Mwathi wakwa Iburahimu, onania ûvootani waku ûmûnthî na wonanie wendo ûtathiraga kûrî Mwathi wakwa Iburahimu.

Kîam 24:27

na akiuga atîrî, “Ngai-Mûnene, Ngai wa Mwathi wakwa Iburahimu arokumua. Ke arî wendo ûtathiraga na nî mwîvokeku ûvororî wîgiî kîîranîro gîake na mwathi wakwa. Ngai-Mûnene nîandongoretie nginya ngakinya kwa andû a mwathi wakwa.”

Kîam 28:13

Nake Ngai-Mûnene nîwarûngamaga vakuvî nake akamwîra atîrî, “Nînie Ngai-Mûnene, Ngai wa Iburahimu na Isaka. We wa vamwe na njiarwa ciaku, nîngaamûva vûrûri ûyû ûmamîte.

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Kîam 30:43

Na njîra îo, Jakovu nîwatongire mûno. Nîwagîre na ng'ondu nyîngî, ndungata, ngamîîra na mvunda.

Kîam 31:3

Ngai-Mûnene nîwerire Jakovu atîrî, “Coka vûrûrirî wa methe maku ma tene, na kûrî andû enyu na ngethagîrwa nîrî vamwe nawe.”

Kîam 32:5

Nîrî na ng'ombe, mbûri na mvunda, ng'ondu wana ndungata cia arûme na cia aka. Natûmana kûrî we mwathi wakwa, ngîîrîgagîrîra atî nîngwîtîkîrîka nîwe.”

Kîam 32:7

Jakovu nîwegwire guoya na agîtangîka mûno. Nîwagaanirie andû arîa aarî nao, mbûri na ng'ondu, ng'ombe na ngamîîra, maita maîrî.

2Sam 17:24

Daudi nîwakinyîte îtûûrarî rîa Mahanaimu rîrîa Abusalomu na Aisiraeli onthe maringaga mûringo ûcio wîngî wa Jorodani.

2Sam 7:18

Mûthamaki Daudi nîwatoonyire îgemarî, agîkara nthî mbere ya Ngai-Mûnene na akîvoya akiugaga atîrî, “Ûûi Mwathani Ngai-Mûnene, nie na nyomba yakwa ndirî mwagîrîru wa gwîkîrwa maûndû mau monthe ûmbîkîte,

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Ayubu 8:7

Wana ethîrwa wambîrîrie ûtûûro ûtarî na kîndû, vuvarî ûkethîrwa ûrî na indo nyîngî.

Thaburi 16:2

Mbîraga Ngai-Mûnene atîrî, “We wî Mwathani wakwa; maûndû monthe maro nîrî namo maumaga kûrî we.”

Thaburi 18:35

We Ngai-Mûnene, nîûngitagîra na nîûmvonokagia, vinya waku nî ûnyitagîrîra, ûtethio waku nîûtûmîte nduîke mûndû wa vata.

Thaburi 61:7

Arotûûra athanaga arî mbere yaku we Ngai tene na tene; mûgitîre na wendo waku ûtathiraga na wîvokeku waku.

Thaburi 8:5

Wamûmbire agîtigaria vanini kûvanana nawe, na nîwamwîkîrire nthûmbî ya riiri na gîtîîo.

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Thaburi 85:10

Wendo ûtathiraga na wîvokeku nîigaacemania, ûthingu na thayû nîikaamumunyana.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 63:7

Nîngûvecana ûvoro wa wendo ûtathiraga wa Ngai-Mûnene, na nîmûgooce nîûndû wa maûndû monthe marîa atwîkîrîte, na nîûndû wa maûndû manene na maro marîa ekîrîte nyomba ya Isiraeli, kûringana na ntha ciake na wendo wake ûtathiraga.

Mika 7:20

Nîûkoonania wîvokeku waku kûrî Jakovu na wendo waku ûtathiraga kûrî Iburahimu, wata ûrîa werîre methe metû na mwîvîtwa kuuma tene.

Luka 17:10

Kwoguo wa namue rîrîa mweka ûndû wa wonthe ûrîa mwerwa mwîke ugagani atîrî, ‘Tue tûrî ndungata itarî mbagîrîru tweka tu ûrîa tûragîrîrwe nî gwîka.’ ”

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”