Kîam 3:19 - ÎVUKU RÎA ÛVORO MWARO

¹⁹ We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Kîam 3:19 ပူးပေါင်းရင်းမြစ်များ

Kîam 18:27

Nake Iburahimu nîwaririe rîngî akiuga atîrî, “Ngai-Mûnene njovera nîûndû wa kûmîrîria kûthiî na mbere na gûkwarîria. Nie nîrî mûndû tu na ndiagîrîrwe nî gûkwîra wanarî ûndû.

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Kîam 23:4

“Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 3:18

Nthî îkaameraga ria na mîgua nîûndû waku. Nawe ûkaarîcaga mîmera ya nthî.

Kîam 5:5

Adamu aatûûrire îvinda rîa mîaka magana kenda ma mîrongo îthatû (930) agîcoka agîkua.

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Ayubu 10:9

Ta ririkana atî wanyûmbire na yûmba. Nîkwa ûrenda kûndutumûra nduîke rûkûngû rîngî?

Ayubu 19:26

Wana ikonde ciakwa ciacûkangua, nie mwene nîngeyonera Ngai-Mûnene na metho makwa.

Ayubu 21:26

Kûnarî ûguo, onthe makucaga na makathikwa, magacoka makaûmbwa nî igunyû.

Ayubu 34:15

kîndû kîonthe kîrî mwoyo nîkwa kîngîkua, na mûndû agacoka rûkûngûrî.

Ayubu 4:19

Ûreciria nwa evoke andû maumîte mûtheturî wa yûmba, kîndû kiumanîte na rûkûngû, andû mangîtomborwa ta kîmburutia.

Thaburi 103:14

Nîûndû nîaicî ûrîa tûmbîtwe; nîaicî atî tûrî rûkûngû.

Thaburi 104:23

Mûndû nîacokaga akathiî kûruta wîra wake, na arutaga wîra wake nginya kîvwaî.

Thaburi 104:29

Rîrîa waitiganîria nîciîgucaga guoya, waruta mîvevû ya cio, nîikucaga igacoka rûkûngûrî kûrîa ciaumire.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 22:15

Mûmero wakwa ûnyarîte ta rûkûngû, na rûrîmî rwakwa rûnyitanîte na nthîa. Nî ûndiganîrîtie nthiî kwa arîa akuû.

Thaburi 22:29

Andû onthe arîa etîi nîmakenamîrîra mamûgooce andû onthe arîa makucaga nîmakenamîrîra mbere yake.

Thaburi 90:3

Wîraga andû atîrî, “Cokani mûtheturî!” Nake mûndû nîacokaga mûtheturî kûrîa aaumire.

Nthi 21:16

Mûndû ûrîa ûtiganaga na mîtugo îrîa mîaro, arîkagîrîria kwa arîa akuû.

Mûvunjia 1:13

Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 1:3

Mûndû agunîkaga na ndûî kuumana na mawîra monthe marîa arutaga gûkû nthî?

Mûvunjia 12:7

Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Mûvunjia 3:20

Andû wana nyamû ciaumire mûtheturî. Andû magaacoka mûtheturî wana nyamû igaacoka mûtheturî rîngî.

Mûvunjia 5:15

Wata ûrîa mûndû aaciarirwe atarî na kîndû nwaguo agaacoka kûrîa aaumire atarî kîndû. Gûtirî kîndû wana kîmwe Kîam irîa acarîtie akaathiî nakîo.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

1Akor 15:47

Mûndû wa mbere, na nîke Adamu, aaumire rûkûngûrî rwa nthî, nwatî mûndû wa kaîrî aaumire îgûrû.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

2Ath 3:10

Rîrîa twarî namue nîtwamwîraga atîrî, “Mûndû ûrîa ûtarutaga wîra ndagîrîrwe nî kûrîa irio.”

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.