Kîam 3:10 - ÎVUKU RÎA ÛVORO MWARO

¹⁰ Mûndûmûrûme ûcio nîwamûcokerie atîrî “Mbîgwire ûgîcera mûgûndarî; negua guoya na nethitha nîûndû nîraarî njaga.”

Kîam 3:10 ပူးပေါင်းရင်းမြစ်များ

Kîam 2:25

Mûndûmûrûme ûcio na mûka maarî njaga nwatî matiegucaga nthoni.

Kîam 3:11

Ngai nîwamûririe atîrî, “Nû ûkwîrire atî ûrî njaga? Nîkwa ûrîîre îtunda rîa mûtî ûrîa naagûkanirie?”

Kîam 3:7

Na maarîa, metho mao oîrî nîmaavingûkire. Nao nîmaamenyire atî maarî njaga. Nao nîmaatumanirie mathangû ma mîkûyû magîîkunîkîra namo.

Ayubu 23:15

Kwoguo nîrî mbere yake nîndetetemaga nî guoya, na neciria ûvoro wake nînyitagwa nî guoya.

Ayubu 31:33

Andû amwe nîmathithaga mevia mao, nwatî nie ndianathitha mevia makwa.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Ntha 20:18

Vîndî îrîa andû meegwire ngwa, na makîona mveni, makîgua mûgambo wa karumbeta na makîona kîrîma gîgîtoga ndogo nîmaatetemire nî guoya. Nîmaarûngamire varaca

Ntha 20:19

na makîra Musa atîrî “Aria natue na nîtûkwîgua, nwatî ndûkareke Ngai aria natue nîguo tûtigakue.”

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Ntha 32:25

Musa nîwonire atî Aroni nîwatûmire andû matuîka aremi na magîtuîka irimû mbere nthû ciao.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Isaia 47:3

Andû nîmakoona njaga yaku, na nîmakoona gîconoko gîaku. Nie nîngerîvîrîria na ndikeguîra mûndû wanarî ûmwe ntha.”

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Gûco 5:25

Nwatî tûngîîvira ûgwatirî wa gîkuû rîngî nîkî? Mwaki ûcio mûnene ûguo nîûgûtûvîvia tûkue tûthire tûngîgua mûgambo wa Ngai-Mûnene, Ngai wetû rîngî.

1Joh 3:20

Ethîrwa thamiri cietû nîitûtucagîra, nîtwîcî waro atî Ngai nî Mûnene gûkîra thamiri cietû na nîecî maûndû monthe.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”