Kîam 3:1 - ÎVUKU RÎA ÛVORO MWARO

¹ Njoka yarî na wara gûkîra nyamû irîa ciîngî cionthe cia kîthaka irîa Ngai-Mûnene, Ngai aaûmbîte. Njoka nîyaûririe Mûndûmûka atîrî, “Nîkwa Ngai aamwîrire mûtikaarîe matunda ma mûtî wana ûrîkû mûgûndarî ûyû?”

Kîam 3:1 ပူးပေါင်းရင်းမြစ်များ

Mûvunjia 4:10

Mûndû ûmwe angîgwa nwa aûkîrue nî ûcio wîngî. Nwatî mûndû arî wenga angîgwa angîthîrwa arî na thîna nîûndû ndangîona wa kûmûkîria.

Isaia 27:1

Mûthenya ûcio, Ngai-Mûnene nîagooca rûviû rwake rûrîa rûnene na averithie Leviathani, njoka îrîa îgûrûkaga, njoka îrîa îîthioraga, na aûrage njûnamatu îrîa îtûûraga îriarî.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Mathaayo 4:6

Nayo nîyamwîrire atîrî, “Ethîrwa we nîwe Mûriû wa Ngai, îîrivanie nthî, nîûndû mandîko matheru maugîte atîrî, ‘Ngai nîakaatha araika ake makûmenyerere; nao nîmagagûtavîria na njara ciao, nîguo ndûkaringwe kûgûrû nî îthiga.’ ”

Mathaayo 4:9

Nayo Ngoma îo nîyamwîrire atîrî, “Indo ino cionthe ûrona nîngûkûva, ethîrwa nîûkûndurîria maru ûngooce.”

2Akor 11:14

Ûndû ûyû ndûtûmakagia! Wana Caitani nîwîgarûraga onekane ta mûraika wa ûtheri.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

1Pet 3:7

Na njîra wata îo, wa namue athuuri îkaranagiani na aka enyu mûkîroragia wagîrîru wao nîûndû matirî vinya ta arûme. Monagieni gîtîîo nîûndû wa nao nîmakaagaîrwa kîveo Kîam mwoyo nî Ngai wa vamwe namue. Îkagani ûguo nîguo vatikagîe na kîndû kîngîvîngîca mavoya menyu.

Kûguû 12:15

Nayo njûnamatu nîyaminjire manjî maarî meengî ta ma rûnjî kuuma kanyuarî ka yo yamaminjire nîguo makinyîre mûndûmûka ûcio mamûtware.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 20:2

Nake nîwanyitire njûnamatu, njoka îrîa ya tene, na nîyo îtagwa Ngoma kana Caitani. Nîwocire nyororo na akîova njûnamatu îo kavinda ka mîaka ngiri îmwe.