Kîam 27:29 - ÎVUKU RÎA ÛVORO MWARO

²⁹ Andû a ndûrîrî marotuîka ndungata ciaku na makwînamagîrîre. Ûrotuîka wa kwathaga aa mûrwanyûkwe, nao onthe marokwînamagîrîra. Arîa onthe magaakûrumaga maronyitwa nî kîrumi na arîa magaakûrathimaga marorathimagwa!”

Kîam 27:29 ပူးပေါင်းရင်းမြစ်များ

Kîam 12:3

Nie ngaarathimaga andû arîa onthe magaakûrathimaga, nwatî ngaarumaga arîa onthe magaakûrumaga, na andû a mavûrûri monthe makaarathimagwa na njîra yaku.”

Kîam 25:33

Jakovu nîwamûcokerie atîrî, “Amba wîvîte atî nîûkûmenderia ûrikithathi waku.” Esaû nîwevîtire, na akîenderia Jakovu ûrikithathi wake.

Kîam 27:30

Warîo Isaka arîkia kûrathima Jakovu, mwarwang'ina Esaû nîwaumire kûguîma na agîtonya.

Kîam 27:37

Isaka nîwacokerie Esaû atîrî, “Nînamûtua mwathi waku, nawe vamwe na andû onthe enyu mûkamûtungatagîra. Nînamûva irio na ndivei. Rîu gûtirî ûndû nîngîgwîka, mûvîcîwa!”

Kîam 27:40

Nîûtûûra ûrûaga na ûrî ndungata ya mûrwanyûkwe, nwatî rîrîa ûkaaregana nake nîûkaagîa na wîyathi, na ndagaakwatha rîngî.”

Kîam 37:10

Nîwacokire akîra îthe ûvoro wa kîroto kîu. Nwatî îthe nîwamûgûkirie na akîmûria atîrî, “Kîu nî kîroto Kîam mûthemba ûrîkû? Ûreciria nie na nyûkwe wana aa mûrwanyûkwe nwa tûke tûturie maru mbere yaku?”

Kîam 37:7

Tûrakundîkaga imanja cia ngano tûrî mûgûndarî. Kîmanja gîakwa kîrarûgamire kîevanda, nacio imanja cienyu ciakîthiûrûrûkîria cienamîrîra mbere ya kîmanja gîakwa.”

Kîam 9:27

Ngai arotûma njiarwa cia Jafethi ciîngîve! Njiarwa ciake irotûûranîra na ciana cia Shemu! Kanaani arotuîka ngombo ya Jafethi.”

1Atha 22:47

Vûrûri wa Edomu ndwarî na mûthamaki. Vûrûri ûcio wathagwa nî mûnini wa mûthamaki.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

1Maû 5:2

Juda nîke wagîre vinya gatagatî ka aa mûrwang'ina acio engî, na mûthamaki aaumire mûvîrîgarî ûcio. Nwatî maûndû marîa maagîrîrwe kwîthîrwa marî ma Reubeni ma ûrikithathi maaverwe avîcî a Josefu.)

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 60:12

Nwatî ndûrîrî kana ûthamaki ûrîa ûtagaagûtungatîra, nîkwa ikaathirua viû.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Ndari 23:8

Nîngîruma andû arîa Ngai atarumîte atîa, kana mbarie ûndû mûcûku wîgiî andû arîa Ngai-Mûnene atarîtie ûndû mûcûku wao?

Ndari 24:18

Isiraeli nîîkavoota Edomu na îîgwatîre vûrûri wao; nwatî Isiraeli nîîkathiî na mbere kûvootana.

Ndari 24:9

Vûrûri ûcio ûmamîrîrîte ta mûnyambû, rîrîa ûmamiî gûtirî mûndû ûngîûramûkia. Mûndû wa wonthe ûrathimaga Isiraeli akaarathimagwa, mûndû wa wonthe ûrumaga Isiraeli akaarumagwa.”

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Aroma 9:12

Ngai nîwerire Rebeka atîrî, “Ûrîa mûkûrû nîagaatungatîra ûrîa mûnini.”

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”