Kîam 27:2 - ÎVUKU RÎA ÛVORO MWARO

² Isaka nîwamwîrire atîrî, “Rîu nîngûrire, na nwa ngue vîndî wa yonthe.

Kîam 27:2 ပူးပေါင်းရင်းမြစ်များ

Kîam 27:3

Kwoguo oca ûta waku na mîguî, ûthiî kîthakarî na ûmbûragîre nyamû îmwe.

Kîam 47:29

Kavinda ka Jakovu gûkua gakûvîvîria, nîwetire mûvîcî Josefu na akîmwîra atîrî, “Ethîrwa nie nîmbîtîkîrîkîte nîwe, tonyia njara ciaku gatagatî ga ciaû ciakwa na wîranîre nama atî ndûkanthika Misiri.

Kîam 48:21

Jakovu nîwerire Josefu atîrî, “Tathikîrîria, nîrî vakuvî gûkua, nwatî Ngai akethagîrwa arî vamwe nawe na nîakaamûcokia vûrûrirî wa methe menyu.

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Isaia 38:1

Vîndî îo, Hezekia nîwarwarire mûno nginya agîkuvîvîria gûkua. Nake mûrathi Isaia, mûvîcî wa Amosi nîwathiîre kûrî ke na akîmwîra atîrî, “Ngai-Mûnene arauga ûvange maûndû ma nyomba yaku, nîûndû nîûgûkua tîûvona.”

Isaia 38:3

na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Maariko 13:35

Kwoguo îîmenyagîrîreni nîûndû mûtiîcî kavinda karîa mwene mûciî agaacoka. Avota gûgaacoka kîvwaîrî, kana ûtukû gatagatî, kana ngûkû îkîgamba, wana kana kîraûko riûa rîkîratha.

Jakuvu 4:14

Nwatî mûtiîcî ûrîa gûgaatuîka rûyû. Mwoyo wenyu wîkariî ta nundu. Mwavota kûmîona gwa kavinda kanini, nwatî îgacoka îkathiî.

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”