Kîam 27:19 - ÎVUKU RÎA ÛVORO MWARO

¹⁹ Nake Jakovu nîwacokerie îthe atîrî, “Nînie Esaû, mûvîcîguo ûrîa mûkûrû; nîmbîkire ûrîa ûmbîrire. Nakûthaitha ûkîra wîkare nthî ûrîe nyama ino nakûretera nîguo ûndathime.”

Kîam 27:19 ပူးပေါင်းရင်းမြစ်များ

Kîam 25:25

Kaana karîa gaaciarirwe mbere kaarî gatune na mwîrî wako wonthe wakunîkîtwe nî guoya takwa arî guo geekîrîte. Kwoguo nîgaatuîrîrwe rîîtwa Esaû.

Kîam 25:28

Isaka nîwendete Esaû nîûndû nîwakenaga akîrîa nyama cia nyamû irîa Esaû aaûragaga, nwatî Rebeka eendete Jakovu.

Kîam 27:18

Jakovu nîwathiîre kûrî îthe na akîmwîra atîrî, “Vava!” Nake îthe nîwamûcokerie atîrî, “Îî; we nîwe û mûvîcîwa?”

Kîam 27:21

Isaka nîwerire Jakovu atîrî, “Nakûthaitha ûkaûke vakuvî nîguo ngûvutie menye nama kana nîwe mûvîcîwa Esaû.”

Kîam 27:31

Esaû wanake nîwarugire irio mbaro mûno akîvirîra îthe, na akîmwîra atîrî, “Vava nakûthaitha ûkîre ûrîe irio ino nakûrugîra nîguo ûndathime.”

Kîam 27:35

Nwatî Isaka nîwamwîrire atîrî, “Mûrwanyûkwe aûkire amveenia na oca kîrathimo gîaku.”

Kîam 27:4

Ûcoke ûke ûndugîre irio mbaro irîa mendete, ûndetere ndîe, nîguo ngûrathime mbere ya ngua.”

Kîam 27:45

na ariganîrwe nî ûrîa we wamwîkire. Nîngaacoka ngûtûmanîre ume kûu. Ndingîvota kûrwa nî mue muoîrî mûthenya ûmwe.”

1Atha 13:18

Mûrathi ûcio mûkûrû waumîte Betheli nîwamwîrire atîrî, “Nie nîrî mûrathi wa tawe, na Ngai-Mûnene ambathîte na njîra ya mûraika, ambîra ngwoce tûcoke nawe mûciî gwakwa nîguo ûrîe na ûnyue.” Nwatî mûrathi ûcio mûkûrû nîkwa aavenanagia.

1Atha 14:2

Nake Jeroboamu nîwerire mûka atîrî, “Ûkîra wîgarûre nîguo ndûkamenyeke atî wî mûka wa Jeroboamu, na ûthiî Shilo, nîûndû kûu nîkuo mûrathi Ahija arî. Mûrathi Ahija nîke waugire atî nînie ngaatuîka mûthamaki wa Isiraeli.

Isaia 28:15

Nîûndû mugîte atîrî, “Tue tûrî arûthu kîrîkanîro na gîkuû, na tûrîetîkanîriu na kwa arîa akuû! Rîrîa mûthiro ûkaavîtûkîrîra gûkû ndûgaatûvutia, nîûndû tûtuîte maveeni kûndû gwa kûrîra, na tûkethitha maûndûrî ma maveeni.”