Kîam 24:61 - ÎVUKU RÎA ÛVORO MWARO

⁶¹ Rebeka vamwe na ndungata ciake cia erîtu nîmeevarîrie, na magîkarîra ngamîîra nîguo mathiî na ndungata ya Iburahimu. Nîmaacokire makîthiî.

Kîam 24:61 ပူးပေါင်းရင်းမြစ်များ

Kîam 2:24

Kwoguo mûndûmûrûme agaatigaga îthe na ng'ina, akanyitana na mûka na oîrî magatuîka ûmwe.

Kîam 24:60

Rebeka nîwarathimirwe nî andû ao na ciugo ino: “Mwarwaiya, ûrothegea nginya ûtuîke ng'ina wa andû ngiri makûmi meengî! Njiarwa ciaku irovoota andû a matûûra ma nthû ciao!”

Kîam 24:62

Isaka nîwarîkîtie kûthama akauma îtûûrarî rîa Beeri-Lahai-roi, na agatûûra vûrûrirî wa Negebu.

Kîam 31:34

Rakeli nîke wocete ngai cia mûciî cia îthe na agîciga matandîkorî ma ngamîîra na agîciîkarîra. Labani nîwaicaririe îgemarî ndaarî nwatî ndaaciona.

Esita 8:10

Moridekai nîke wandîkithirie maarûa icio igîkagîrwa mûvûri na caini ya mûthamaki. Andû arîa maaviraga maarûa icio maathiîcaga na mbarathi cia kwa mûthamaki. Mbarathi icio nîciavinyûraga mûno.

Esita 8:14

Mûthamaki nîwathanire mathiî mekarîrîte mbarathi cia kwa mûthamaki na ivinyûre mûno. Ndûmîrîri îo nîyakinyire Susa, îtûûrarî rîrîa rînene.

Thaburi 45:10

Tanthikîrîria waro ûrîa ngûkwîra, we mwarî wa mûthamaki, riganîrwa nî andû aku na andû a mûciî wenyu,

Atir 5:30

“Nîkwa maracaria indo nîguo maitave na magaanie, wa mûndûmûka ûmwe kana aîrî varî mûthigari ûmwe, magîcarîria Sisera nguo cia goro, mîkathî îîrî yakwa ya ngingo îrî mîgemie.”

1Sam 25:42

Abigaeli nîwaûkîrire na îvenya na agîtûa mvunda yake. Nîwathiîcanirie na ndungata ciake ithano cia erîtu na akîrûmîrîra ndungata cia Daudi na nîwatuîkire mûka wa Daudi.

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.