Kîam 24:31 - ÎVUKU RÎA ÛVORO MWARO

³¹ Labani nîwerire ndungata îo atîrî, “Ûka tûthiî mûciî. We wî mûndû mûrathime nî Ngai-Mûnene. Ûrûgamîte ava nja nîkî? Nîrî mûvarîriu nyomba yaku ya kûraara wana vandû va kûraarwa nî ngamîîra ciaku.”

Kîam 24:31 ပူးပေါင်းရင်းမြစ်များ

Kîam 18:3

na akiuga atîrî, “Athi akwa nîramûthaitha mûtikathiî mûtavîtûkîrîrîte gwakwa nie ndungata yenyu.

Kîam 19:2

na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 19:3

Loti nîwathiîre na mbere kûmaringîrîria na mûthiiarî nîmaathiîre nake gwake mûciî. Loti nîwathire ndungata ciake iruge mîgate îno îtarî mîkîre ndawa ya kwimbia. Mîgate yarîkia kûvîa, ageni nîmaarîre.

Kîam 24:30

Labani aarî mwonu mbete na mvang'iri irîa ciarî njararî cia mwarwang'ina, na nîeguîte mwarwang'ina akiuga ûrîa ndungata îo yamwîrîte. Labani nîwathiîre varîa ndungata îo ya Iburahimu yarûngamîte, kîthimarî vakuvî na ngamîîra.

Kîam 26:29

atî ndûgaatûîka ûndû mûcûku nîûndû wanatue tûtiagwîka ûndû mûcûku. Tue twagwîkire maûndû maro na tûkîrekia ûthiî na thayû. Rîu Ngai-Mûnene nîakûrathimîte.”

Kîam 29:13

Rîrîa Labani eegwire ûvoro ûcio wa Jakovu mwana wa mwarwang'ina, nîwavinyûrire kûmûtûnga. Nîwamûkumbatire akîmûmumunya, na agîcoka akîmûvira mûciî. Nake Jakovu nîwerire Labani maûndû monthe marîa mekîkîte.

Thaburi 115:15

Mûrorathimwa nî Ngai-Mûnene, ûrîa waûmbire îgûrû na nthî!

Nthi 17:8

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 18:16

Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

Atir 17:2

Mika nîwerire ng'ina atîrî, “Tûcunjî ngiri îmwe na îgana twa sîlûva twaku tûrîa twaîirwe na ûkîruma mwîi wa tuo, taroria, nînie nîrî na tuo. Nînie naatwocire.” Nake ng'ina nîwaugire atîrî, “Ngai-Mûnene arokûrathima mûvîcîwa!”

Ruthu 3:10

Nake Boazu nîwerire Ruthu atîrî, “Mûndûmûka ûyû, Ngai-Mûnene arokûrathima nîûndû nîwonanîtie wîvokeku mûnene makîria na njîra ya ûrîa ûreka rîu wana gûkîra ûrîa wekire nyaciaraguo. We nî ûngîathiîre gûcaria mwanake, arî mûthîni kana arî gîtonga, nwatî we ndweka ûguo.