Kîam 24:11 - ÎVUKU RÎA ÛVORO MWARO

¹¹ Rîrîa aakinyire, nîwatûmire ngamîîra ciake imame rûtere rwa kîthima kîrîa Kîamrî nja ya îtûûra rîu. Vîndî îo kwarî thaa cia kîvwaî rîrîa aka mathiîcaga gûtava manjî.

Kîam 24:11 ပူးပေါင်းရင်းမြစ်များ

Kîam 24:42

“Rîrîa mbûkire kîthimarî ûmûnthî, nî mvoire atîrî, ‘Ngai-Mûnene, Ngai wa mwathi wakwa Iburahimu, nakûthaitha ûmvotithie nthatûkwe nî ûrîa nîreka.

Kîam 29:2

Rîrîa Jakovu aaroririe na kûu kîthakarî, nîwonire ndîthia ithatû cia ng'ondu imamîte vakuvî na kîthima. Ndîthia icio nîcianyuithagua manjî kuuma kîthimarî kîu. Mûromo wa kîthima kîu wakunîkagwa na îthiga rînene mûno.

Ntha 2:15

Na rîrîa mûthamaki eegwire ûrîa gwekîkîte, nîwageririe kûragithia Musa. Nwatî Musa nîwaûrire na akîthiî gwîkara vûrûrirî wa Midiani. Mûthenya ûmwe, Musa ekarîte nthî vakuvî na kîthima,

Ntha 2:16

erîtu mûgwanja a Jethiro nîmaaûkire kîthimarî gûtava manjî nîguo manyuithie ndîthia ya îthe. Jethiro aarî mûthînjîri-Ngai wa Midiani.

Nthi 12:10

Andû arîa athingu marî ntha na nyamû ciao irîa marîthagia, nwatî andû arîa aganu matirî ntha na nyamû ciao.

Johana 4:7

Mûndûmûka Mûsamaria nîwathiîre gûtava manjî kîthimarî kîu na Jesû akîmwîra atîrî, “Ngundia manjî.”

Atir 5:11

Tathikîrîriani! Acio maranegena marî ithimarî cia manjî, marauga ûrîa Ngai-Mûnene avootanîte, ûvootani wa andû a Isiraeli! Nao andû a Ngai-Mûnene nîmaaumire matûûrarî mao.

1Sam 9:11

Rîrîa maunûkagia karîma mathiîte îtûrarî rîu, nîmaacemanirie na erîtu aîrî mathiîte gûtava manjî. Nîmaûririe erîtu acio atîrî, “Mwoni maûndû arî îtûûrarî?”