Kîam 23:4 - ÎVUKU RÎA ÛVORO MWARO

⁴ “Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

Kîam 23:4 ပူးပေါင်းရင်းမြစ်များ

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 23:5

Nao Ahiti nîmaamûcokerie atîrî,

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

Kîam 49:30

Mûgûnda ûcio ûrî Makipela, mwena wa îrathîro wa Mamure vûrûrirî wa Kanaani. Iburahimu aagûrire ngurunga îo na mûgûnda kuuma kûrî Efironi ûrîa Mûhiti ûrî wa kûthikanagwa.

Kîam 50:13

Nîmaakuuire mwîrî wake makîûvira Kanaani na makîûthika ngurungarî îrîa yarî mûgûndarî wa Makipela mwena wa îrathîro wa Mamure. Ngurunga îo nî îrîa Iburahimu aagûrire wa vamwe na mûgûnda kuuma kûrî Efironi ûrîa Mûhiti nîguo agîe na vandû va kûthikanaga.

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

Ayubu 30:23

Nîmbicî atî ûmvirîte gîkuûrî, kûrîa andû arîa marî mwoyo mathiîcaga.

Thaburi 119:19

Nie nîrî mûgeni gûkû nthî; ndûkanthithe maathani maku.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Ntha 2:22

na mûka wa Musa agîciara kaana ga kavîcî. Musa nîweîrire na ngoro atîrî, “Nie nîrî mûgeni vûrûrirî ûyû, kwoguo kaana gaka nînîgeta Gerishomu.”

Mûvunjia 12:5

Nîûkegua guoya ya kûndû kûrîa gûtûgîru na guoya ya kûthiî na magûrû njîrarî. Njuîrî ciaku nîikaagîa mbuî na nîûkaaremwa nî gwîtwara na magûrû, na merirîria ma maku nîmakaathira. Vîndî îo wa mûndû akaathiî mûciî wake wa tene na tene, na nîgûkethîrwa kûrî na macakaya njîrarî.

Mûvunjia 12:7

Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Mûvunjia 6:3

Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Alawi 25:23

“Mûtiagîrîrwe nî kwendia mûgûnda wenyu viû, nîûndû tî wenyu. Nî wakwa, na mue mûrî ageni evîtûkîri arîa etîkîrie gûûtûmîra.

Ciîko 7:16

Nayo mîîrî yao nîyakuirwe îkîvirwa Shekemu na îkîthikwa mbîrîrarî îrîa Iburahimu aagûrire. Mbîrîra îo yagûrîtwe kuuma kûrî mbarî ya Hamori.

Ciîko 7:5

Ngai ndaagaîra Iburahimu wa naarî îkinyo rîmwe rîa vûrûri ûcio. Nwatî Ngai nîwamwîrîre nîakûmûva vûrûri ûcio nîguo ûtuîke wake na wa njiarwa ciake, wana ethîrwa vîndî îo Iburahimu ndaarî na ciana.

Ahib 11:9

Na njîra ya wîtîkio Iburahimu atûûrire arî ta mûgeni vûrûrirî ûrîa Ngai aamwîrîîre. Aatûûraga magemarî wata ûrîa Isaka na Jakovu maatûûraga, arîa wa nao maaverwe kîîranîro wata kîu nî Ngai.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.