Kîam 23:2 - ÎVUKU RÎA ÛVORO MWARO

² Nîwacokire agîkuîra Heburoni vûrûrirî wa Kanaani, na Iburahimu nîwacakaire nîûndû wa gîkuû gîake.

Kîam 23:2 ပူးပေါင်းရင်းမြစ်များ

Kîam 13:18

Nake Aburamu nîwathaamirie îgema rîake na akîthiî gûtûûra Heburoni vakuvî na mîtî îrîa mîamûre ya Mamure. Aburamu nîwatumîre Ngai-Mûnene metha ya kîgongoona vo.

Kîam 23:1

Sara nîwatûûrire mîaka îgana rîa mîrongo îrî na mûgwanja.

Kîam 23:19

Iburahimu nîwacokire akîthika mûka Sara ngurungarî îo yarî mûgûndarî wa Makipela (Heburoni) mwena wa îrathîro wa Mamure vûrûrirî wa Kanaani.

Kîam 24:67

Isaka nîwavirire Rebeka îgemarî rîrîa ng'ina Sara aatûûraga na agîtuîka mûka. Isaka nîwendire mûka Rebeka, na akîthirwa nî îvooru rîrîa aarî narîo vuva wa ng'ina gûkua.

Kîam 27:41

Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”

Kîam 35:27

Jakovu nîwathiîre Mamure kûrî îthe Isaka vakuvî na Kiriathariba (na nîyo Heburoni), kûrîa Iburahimu na Isaka maatûûraga.

Kîam 37:14

Îthe nîwamwîrire atîrî, “Thiî ûkone kana aa mûrwanyûkwe nî aro wa vamwe na mbûri na ng'ondu, ûcoke ûke ûmbîre.” Jakovu nîwatûmire Josefu kuuma Kîamndarî Kîam Heburoni. Nake Josefu nîwakinyire Shekemu.

Kîam 50:1

Josefu nîwenamîrîre varî îthe, akîmûkumbatîria na akîmûmumunya akîrîraga.

Kîam 50:10

Rîrîa maakinyire îtîrirî rîa Atadi, varîa ngano ciavûragîrwa mwena wa îveti wa Jorodani, nîmaacakaire kavinda karaca maugîrîrîtie. Josefu nîwacakaîre îthe mîthenya mûgwanja.

2Sam 1:12

Nîmaacakaire, makîrîra, na makîîvinga kûrîa irio nginya kîvwaî nîûndû wa Saûlo na Jonathani, na nîûndû wa Aisiraeli, andû a Ngai-Mûnene nîûndû eengî ao nîmaûragîrîtwe mbaararî.

2Sam 1:17

Daudi nîwainîre Saûlo na mûûriû wake Jonathani rwîmbo rûrû rwa kîeva,

2Sam 2:11

Nake Daudi nîwathanire Juda arî kûu Heburoni îtîîna rîa mîaka mûgwanja na nuthu.

2Sam 5:3

Kwoguo atongoria onthe a Isiraeli nîmaathiîre kwî mûthamaki kûu Heburoni. Mûthamaki Daudi nîwathondekire kîrîkanîro nao na makîmwîtîrîria maguta nîguo atuîke mûthamaki wa vûrûri wa Isiraeli.

2Sam 5:5

Daudi aathanire Juda arî Heburoni îvinda rîa mîaka mûgwanja na nuthu. Nîwacokire akîathana Isiraeli kuonthe na Juda arî Jerusalemu îvinda rîa mîaka mîrongo îthatû na îthatû.

1Maû 6:57

Kwoguo njiarwa cia Aroni nîciagaîrwe matûûra marîa andû maathiîcaga kwîthitha. Matûûra mau maarî: Heburoni, na matûûra mengî manini vamwe na kûndû gwa kûrîthua matûûrarî ma Libuna, Jatiru, Eshitemoa,

2Maû 35:25

Mûrathi Jeremia nîwatungire rwîmbo rwa gûcakaîra Josia. Andû onthe arîa mainaga nîmaririkanaga na magakumia Josia nyîmborî ciao cia macakaya nginya ûmûnthî. Watuîkire mûtugo wa andû a Isiraeli wa kwinaga nyîmbo icio vîndî ya macakaya. Nyîmbo icio nîmandîke îvukuurî rîa Macakaya.

Nehemia 11:25

Andû amwe a Juda maatûûraga matûûrarî marîa maarî vakuvî na mîgûnda yao. Andû amwe a mûvîrîga wa Juda maatûûraga Kiriathi Ariba, Diboni, na Jekabizeli na icagi irîa ciarî vakuvî na matûûra mau,

Jeremia 22:10

Andû a Juda mûtikarîrîre mûthamaki Josia kana mûmûcakaîre. Nwatî rîrani na vinya nîûndû wa mûvîcî Joahazu, nîûndû ndagaacoka rîngî kwona vûrûri ûrîa aaciarîrwe.

Jeremia 22:18

“Kwoguo ûvoro wîgiî Jehoiakimu mûvîcî wa Josia mûthamaki wa Juda, Ngai-Mûnene arauga atîrî: Gûtirî mûndû ûkaamûcakaîra akiugaga, ‘Ûûi mûrwaiya! Kana ûûi mwarwaiya! Gûtirî mûndû ûkamûrîrîra akiugaga, Ûûi mwathi wakwa! Ûûi mûthamaki wakwa!’

Ndari 13:22

Nîmaaunûkirie makîthiî mwena wa Negebu na magîkinya Heburoni. Kûu nîkuo meethîrîrie Ahimani, Sheshai, na Talimai njiarwa cia Anaki. (Heburoni yatumirwe mîaka mûgwanja mbere ya Zoani îrîa îrî Misiri.)

Ndari 20:29

Rîrîa andû onthe a Isiraeli maamenyire atî Aroni nîwakua, nîmaamûcakaîre îvinda rîa mîthenya mîrongo îthatû.

Johana 11:31

Nao Ayahudi arîa maarî na Mariamu kûu nyomba makîmûmîrîria, nîmaamûrûmîrîre vîndî îrîa maamwonire aûkîra na avinyûra ya nja, nîûndû meciragia atî athiîte mbîrîrarî kûrîrîra vo.

Johana 11:35

Jesû nîwarîrire.

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

Gûco 34:8

Andû a Isiraeli nîmaacakaîre Musa îvinda rîa mîthenya mîrongo îthatû (30) marî kûndû kûrîa kwaraganu vûrûrirî wa Moabu, nginya rîrîa îvinda rîa macakaya rîathirire.

Josh 10:39

Nîmaarînyitire wa vamwe na mûthamaki warîo, wana matûûra mengî manini marîa maarî vakuvî. Nîmaacokire makîûraga andû onthe a kuo. Îtûûra rîa Debiri rîekirwe nî Joshua na athigari ake wata ûrîa matûûra ma Heburoni, Libuna na athamaki ao meekirwe.

Josh 15:13

Ngai-Mûnene nîwathîte Joshua na akîmwîra akaagaîra Kalebu mûvîcî wa Jefune gîcunjî Kîam vûrûri wa Juda. Kwoguo Joshua nîwagaîrwe Kalebu Heburoni îtûûra rîa Ariba Îthe wa Anaki. Jefune îthe wa Kalebu aarî wa mûvîrîga wa Juda.

Josh 15:54

Humuta, Heburoni, na Ziori. Mau namo maarî matûûra manene kenda vamwe na icagi irîa ciarî vakuvî namo.

Josh 20:7

Kwoguo nîmaamûrire îtûûra rîa Kedeshi rîrîa rîrî Galili vûrûrirî ûrîa ûrî irîma wa Nafutali. Nîmaacokire makîamûra Shekemu îtûûra rîrîa rîrî vûrûrirî ûrîa ûrî irîma wa Efiraimu na Heburoni (Nîrîo Kiriathariba) vûrûrirî wa Juda ûrîa ûrî irîma.

Josh 21:11

Nîmaaveerwe Kîriathi-arima (Ariba nîke îthe wa Anaki) na nîyo îtagwa rîu Heburoni vûrûrirî ûrîa ûrî irîma wa Juda, vamwe na mavûrûri ma kûrîthia marîa mathiûrûrûkîrîtie îtûûra rîu.

Atir 1:10

Andû acio a Juda nîmaacokire makîthiî kûrûa na Akanaani arîa maatûûraga îtûûrarî rîa Heburoni. Îtûûra rîu rîa Heburoni mbererî rîetagwa Kîriathi-ariba. Andû acio a Juda nîmaavootire andû a mbarî ya Shashai, Ahimani na Tulimani.

1Sam 20:31

Anga ndûicî atî Daudi arî mwoyo ndûgaatuîka mûthamaki wa vûrûri ûyû? Kwoguo thiî ûkamûrete ava nîrî, nîûndû nwanginya akue!”

1Sam 25:1

Rîrîa Samueli aakwire, Aisiraeli onthe nîmaaûnganire vamwe na makîmûcakaîra. Nîmaacokire makîmûthika gwake mûciî kûu Rama. Vuva wa ûguo, Daudi nîwathiîre werûrî wa Parani.

1Sam 28:3

Vîndî îo Samueli aarî mûkuû, na andû onthe a Isiraeli makamûrîrîre na makamûthika îtûûrarî rîake rîa Rama. Nake Saûlo nîwavinyûrîtie ago onthe na oni maûndû makauma Isiraeli.