Kîam 23:16 - ÎVUKU RÎA ÛVORO MWARO

¹⁶ Iburahimu nîwetîkîrire na akîthimîra Efironi mbeca irîa ke aagwetete andû onthe marî vo. Nacio ciarî sîlûva magana mana ithimîtwe na kîthimi kîrîa kîegucanîrîtwe nî andû arîa magûraga makîendagia indo.

Kîam 23:16 ပူးပေါင်းရင်းမြစ်များ

Kîam 23:15

“Mwathi wakwa, mûgûnda wa sîlûva magana mana nî kîndû kînini mûno gatagatîrî getû nawe? Thika mûkaguo mûgûndarî ûcio.”

Kîam 43:21

Na varîa twararîrîre tûkînûka mûciî nîtwatumûrire ngunia cietû, na wa mûndû akîthîra mbeca ciake irî mûromorî wa ngunia yake. Rîu nîtwarete mbeca icio,

Kîam 49:29

Jakovu nîwacokire akîatha andû ake akîmera atîrî, “Rîu nîrî vakuvî gûkua ngatûûranie na andû etû arîa maakuire. Nakua mûkaanthika vamwe na methe makwa ngurungarî îrîa îrî mûgûndarî wa Efironi ûrîa Mûhiti.

Kîam 50:13

Nîmaakuuire mwîrî wake makîûvira Kanaani na makîûthika ngurungarî îrîa yarî mûgûndarî wa Makipela mwena wa îrathîro wa Mamure. Ngurunga îo nî îrîa Iburahimu aagûrire wa vamwe na mûgûnda kuuma kûrî Efironi ûrîa Mûhiti nîguo agîe na vandû va kûthikanaga.

2Sam 14:26

Aarî na njuîrî nene mûno na aamîenjaga wa mwaka rita rîmwe vîndî îrîa yethîrwa îrî ndaca na îkamûritûvîra. Njuîrî îo îthimîtûe yethagîrwa îrî na ûrito wa makîria ya kilo igîrî kûringana na kîthimi kîrîa Kîamvûthagîrwa Kîam mûthamaki.

2Sam 24:24

Nwatî mûthamaki nîwacokerie Arauna atîrî, “Naarî, nîkwa ngûkûrîva. Ndingîrutîra Ngai-Mûnene, Ngai wakwa magongoona gûtarî kîndû ndutîte nîûndû wamo.” Kwoguo Daudi nîwagûrire vandû vau vaavûragîrwa ngano vamwe na ndegwa icio na tûcunjî mîrongo îtano twa sîlûva.

Ayubu 28:15

Ûûgî ndûngîgûrwa na thaavu, na gûtirî ûrito wa sîlûva ûngîgananua naguo.

Ntha 30:13

Mûndû wa wonthe ûgaatarwa nwanginya akaarîva mwîgana wa mbeca irîa ikendekana ithimîtwe na kîthimi kîrîa kîtheru gîtîkanîrie. Mûndû wonthe nwanginya akaarîva îrîvi rîu rîrî îtega kûrî nie, Ngai-Mûnene.

Jeremia 32:10

Nînekîrire kîrore maarûarî ya mûgûnda na ngîmîvinga mbere ya aira a ûndû ûcio na ngîrîva mûgûnda makîonaga.

Jeremia 32:9

Nînagûrire mûgûnda ûcio warî Anathothi kuuma kûrî Hanameli mûvîcî wa mama na ngîmûrîva mbeca mwîgana wa sîlûva îkûmi na mûgwanja.

Ezek 45:12

Ithimi cia ûrito nacio: Gera mîrongo îîrî (20) nî cekeli îmwe (1). Cekeli mîrongo îtano (50) nî mina îmwe (1).

Zakaria 11:12

Nînacokire ngîmera atîrî, “Mûngîona arî waro ndîvani mûcara wakwa, narîo mûngîona atarî waro, îkarani naguo.” Nîmaandîvire mûcara wa mbeca cia sîlûva mîrongo îthatû.

Mathaayo 7:12

“Kwoguo îkagani andû arîa engî ûrîa mûngîenda mamwîke, nîûndû ûguo nîguo kûthomithanîtue nî Watho wa Musa na arathi.

Ciîko 7:16

Nayo mîîrî yao nîyakuirwe îkîvirwa Shekemu na îkîthikwa mbîrîrarî îrîa Iburahimu aagûrire. Mbîrîra îo yagûrîtwe kuuma kûrî mbarî ya Hamori.

Aroma 13:8

Îthagîrwani mûtarî na thirî na mûndû wana ûrîkû tiga tu thirî wa kwendana mûndû na ûrîa wîngî. Ûrîa wendaga mûndû ûrîa wîngî nîmûvingiu watho.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.