1 Sara nîwatûûrire mîaka îgana rîa mîrongo îrî na mûgwanja.
Iburahimu nîwenamîrîrie ûthiû wake ûkîvutia nthî, na akîambîrîria kûtheka akîîyûragia atîrî, “Mûndûmûrûme wa ûkûrû wa mîaka îgana nwa agîe mwana? Sara nwa agîe mwana arî na ûkûrû wa mîaka mîrongo kenda?”
Reuma mûndû mûka ûrîa waigîtwe nî Nahoru nîwamûciarîre Teba, Gahamu, Tahasha na Maaka.
Nîwacokire agîkuîra Heburoni vûrûrirî wa Kanaani, na Iburahimu nîwacakaire nîûndû wa gîkuû gîake.
Isaka nîwavirire Rebeka îgemarî rîrîa ng'ina Sara aatûûraga na agîtuîka mûka. Isaka nîwendire mûka Rebeka, na akîthirwa nî îvooru rîrîa aarî narîo vuva wa ng'ina gûkua.