Kîam 22:7 - ÎVUKU RÎA ÛVORO MWARO

⁷ Marî njîrarî Isaka nîwaûririe îthe atîrî, “Vava” Nake îthe nîwetîkirie atîrî, “Mûvîcîwa.” Nake Isaka nîwaûririe atîrî, “Taroria, ino nî ngû na mwaki, nayo ndûrûme ya îgongoona îrî va?”

Kîam 22:7 ပူးပေါင်းရင်းမြစ်များ

Kîam 22:8

Iburahimu nîwacokerie Isaka atîrî, “Mûvîcîwa Ngai ke mwene nîakûvecana ndûrûme ya îgongoona.” Kwoguo wa oîrî nîmaathiîre na mbere na rûgendo rwao.

Kîam 8:20

Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.

Ntha 12:3

Îra andû onthe a Isiraeli atîrî: ‘Mûthenya wa îkûmi wa mweri ûyû, wa mûndû ageecarîria gatûrûme kana kathenge kûringana na ûrîa mûciî wake wîgana.

Ntha 29:38

“Ino nîcio indo irîa ûkaarutaga metharî ya kîgongoona mûthenya wa mûthenya: ndûrûme igîrî cia ûkûrû wa mwaka ûmwe.

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Mathaayo 26:42

Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 1:36

Rîrîa oonire Jesû avîtûkîrîrîte vo, nîwaugire atîrî, “Taroriani Gatûrûme ka Ngai.”

Johana 18:11

Nake Jesû nîwerire Petero atîrî, “Cokia rûviû rwaku njûrarî. Nîkwa ûreciria atî ndikûnyuîra gîkomberî Kîam mathîna kîrîa Vava amvete?”

Aroma 8:15

Roho ûrîa Ngai amûveete tî wa gûtûma mûtuîke ngombo na tî wa gûtûma mwîtigîre. Vandû va ûguo Roho ûcio amûtucaga ciana cia Ngai. Roho nîke ûtûvecaga vinya wa gûkaîra Ngai tûkiugaga, “Aba! Vava.”

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.