Kîam 22:12 - ÎVUKU RÎA ÛVORO MWARO

¹² Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

Kîam 22:12 ပူးပေါင်းရင်းမြစ်များ

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 22:13

Rîrîa Iburahimu eenamûkire, nîwonire ndûrûme înyitîtwe mvîa nî mîrigica. Nîwathiîre akîmîoca na akîmîrutîra Ngai îgongoona rîa kûvîvua îthenya rîa mûvîcî.

Kîam 22:16

“Ngai-Mûnene nîevîtîte akîgwetaga rîîtwa rîake akiugaga, atî nîngaakûrathima nîûndû ndûnangiria mûvîcîguo wa kîmomwe.

Kîam 22:2

Nake Ngai nîwamwîrire atîrî, “Oca Isaka mwana waku wa kîmomwe ûrîa wendete mûno, na mûthiî nake vûrûrirî wa Moria. Thiî kîrîmarî kîrîa ngaakwonia na ûrute Isaka arî îgongoona rîa kûvîvua.”

Kîam 26:5

Nîngaakûrathima nîûndû Iburahimu nîwambathîkîre na akîathîkîra mataaro makwa na mawatho makwa monthe.”

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Ayubu 5:19

Ke nîagaagûkûûra mathînarî matandatû, na ndûgaacûkangua nî thîna wa mûgwanja.

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Thaburi 147:11

Nwatî Ngai-Mûnene akenagua nî arîa mamwîtigagîra, arîa mevokaga wendo wake ûtathiraga.

Thaburi 2:11

Goocagani Ngai-Mûnene na gîtîîo mûkinainaga,

Thaburi 25:12

Andû arîa matîîaga Ngai-Mûnene, nîmakaathomithua nîke njîra îrîa magîrîrwe nî kûrûmîrîra.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Ntha 20:20

Nake Musa nîwerire andû a Isiraeli atîrî, “Tigani kwîgua guoya, nîûndû Ngai aûkîte kûmûgeria na atûme mûmwathîkagîre nîguo mûtikevie.”

Nthi 1:7

Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Jeremia 19:5

Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aroma 5:8

Nwatî Ngai nîwonanîtie ûrîa atwendete nîûndû Kristû nîwatûkuîrîre vîndî îrîa twarî evia.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

1Akor 10:13

Magerio marîa mûgeragua namo nwamo andû arîa engî mageragua namo. Ngai nîmwîvokeku na ndangîtîkîra ûgerue makîria ya vinya ûrîa ûrî naguo. Nwatî vîndî îrîa ûragerua ke agaakûvecaga vinya nîguo ûvotage kûmîrîria na kûûrîra magerio.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

Ahib 11:19

Iburahimu nîwetîkîtie atî Ngai nwa avote kûriûkia Isaka. Kwoguo nwa tuge, Iburahimu nîkwa aamûkîîre Isaka rîngî kuuma kûrî gîkuû.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

Jakuvu 2:18

Nwatî mûndû ûmwe nwa auge atîrî, “We ûrî na wîtîkio, nwatî nie nîrî na ciîko.” Nie nwa nîmûcokerie atîrî, “Monia ûrîa mûndû angîvota kwîthîrwa arî na wîtîkio vatarî na ciîko, nanie nîngûkwonia wîtîkio wakwa na njîra ya ciîko irîa mbîkaga.”

Kûguû 19:5

Vuva wa ûguo nînegwire mûgambo kuuma gîtîrî Kîam ûnene ûkiuga atîrî, “Ngai wetû arokumua nî mue arîa onthe mûmûtungataga na mûmûtîîaga, mue muonthe anene na anini!”

1Sam 15:22

Samueli nîwaûririe atîrî, “Ngai-Mûnene akenagua nî maruta ma magongoona kana nî wathîki? Nî waro makîria kwathîkîra Ngai-Mûnene gûkîra kûmûrutîra îgongoona rîa ndûrûme irîa noru.