Kîam 21:11 - ÎVUKU RÎA ÛVORO MWARO

¹¹ Ûvoro ûcio nîwathînirie Iburahimu mûno, nîûndû wa nake Ishumaeli aarî mûvîcî.

Kîam 21:11 ပူးပေါင်းရင်းမြစ်များ

Kîam 17:18

Iburahimu nîwaûririe Ngai atîrî, “Nîkwa ûtangîtîkîra Ishumaeli atuîke wa kûngaa?”

Kîam 21:12

Nwatî Ngai nîwerire Iburahimu atîrî, “Ndûkathînîke nîûndû wa kavîcî kau na ng'ina Hagari ndungata yaku ya mûndûmûka. Îka ûrîa Sara akwîra, nîûndû njiarwa irîa nie naakwîrîre ikaaumana na Isaka.

2Sam 18:33

Mûthamaki nîwamakire mûno. Nîwathiîre nyombarî îrîa yarî îgûrû rîa kîvingo na akîrîrîra Abusalomu. Aathiîre akîrîraga akiugaga atîrî, “Wûi mûvîcîwa! Mûvîcîwa Abusalomu! Wûi Abusalomu mûvîcîwa! Naarî kethîrwa nînie nîrakuire vandûrî vaku, mûvîcîwa! Abusalomu mûvîcîwa!”

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Ahib 12:11

Tûtikenaga rîrîa tûkûverithua nîûndû nîtwîgucaga ûrûrû. Nwatî arîa maverithagua na makaûmîrîria nîmagîcaga na kîveo Kîam ûtûûro wa thayû na ûthingu.