Kîam 20:9 - ÎVUKU RÎA ÛVORO MWARO

⁹ Abimeleki nîwacokire agîta Iburahimu na akîmûria atîrî, “Nîkwa ûtwîkire atîa? Nî ûndû ûrîkû mûcûku ngwîkire nîguo ûtûme ndeterwe mathîna nie wana andû arîa mbathaga. Nîûmbîkîte ûndû ûrîa ndagîrîrwe nî gwîkwa.

Kîam 20:9 ပူးပေါင်းရင်းမြစ်များ

Kîam 12:18

Kwoguo mûthamaki nîwetire Aburamu na akîmûria atîrî, “Ûmbîkîte û nîkî? Waregire kûmbîra atî ûyû aarî mûkaguo nîkî?

Kîam 20:10

Nake Abimeleki nîwaûririe Iburahimu atîrî, ‘Wekire ûguo nîkî?’ ”

Kîam 20:8

Mûthenya ûcio wîngî kîraûko tene Abimeleki nîwetire ndungata ciake na agîciîra maûndû mau monthe. Andû acio nîmaamakire mûno.

Kîam 26:10

Abimeleki nîwamûûririe atîrî, “Nî atîa ûguo ûtwîkîte, kethîrwa mûndû ûmwe gatagatîrî getû nîaramenyanire kîîmwîrî na mûkaguo, nîûngîratûretere kîrumi.”

Kîam 29:25

Kîraûko gwakîa Jakovu nîwonire atî aanengeretwe Lea. Kwoguo Jakovu nîwaûririe Labani atîrî, “Ûrambîkire û nîkî? Kinthî ndirakûrutîre wîra mîaka mûgwanja nîûndû wa Rakeli? Ûramveenirie nîkî?”

Kîam 34:7

Vîndî îo avîcî a Jakovu nîmaaumire kûrîthia. Na rîrîa meegwire ûvoro ûcio, nîmaamakire na makîrakara mûno nîûndû wa ûrîa Shekemu eekîte. Na njîra ya gîko kîu gîa kûnyita mwarî wa Jakovu na vinya na kûmûmenya kîîmwîrî, Shekemu nîwaretire gîconoko kûrî andû a Isiraeli. Ûndû ta ûcio ndwagîrîrwe nî gwîkîka.

Kîam 38:24

Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

Kîam 39:9

Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

2Sam 12:5

Daudi nîwarakarirue nî gîtonga kîu mûno na akîîra Nathani atîrî, “Nevîta na Ngai-Mûnene ûrîa ûtûûraga mwoyo, atî mûndû ûrîa wîkîte ûguo agîrîrwe nî gûkua!

2Sam 13:12

Tamarû nîwamûcokerie atîrî, “Naarî tiga kûningîrîria mbîke ûndû wa gîconoko kînene ûguo! Ûndû ta ûcio ndwanekwa gûkû Isiraeli!

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Ntha 32:35

Kwoguo Ngai-Mûnene nîwatûmire kûgîe na mûthiro kûrî andû nîûndû nîmaatûmire Aroni arûtha njaû ya ndegwa ya thaavu.

Nthi 28:10

Mûndû ûrîa ûveenagîrîria mûndû mwîvokeku nîguo eke naaî, agûcaga mûtegorî wake ke mwene, nwatî mûndû ûrîa ûtarî na mavîtia nîakagaa maûndû maro.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Aroma 2:11

Nîûndû Ngai atucagîra andû onthe ûndû ûmwe.

Tito 1:11

Andû acio nîmagîrîrwe nî kûgirua marie nîûndû nî macûkîtie mîciî mîîngî na njîra ya kûthomithania maûndû marîa mataagîrîrîte. Mekaga ûguo nîûndû wa gûcaria mbeca na njîra îrîa îtagîrîrîte.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Josh 7:25

Nake Joshua nîwamûririe atîrî, “Akani watûretere thîna wîgana ûû nîkî? Ngai-Mûnene nîagûkûretera thîna ûmûnthî.” Nao andû onthe a Isiraeli nîmaarivire Akani na mathiga na agîkua na makîriva ciana ciake na mathiga igîkua na makîmavîvia vamwe na indo ciake.