Kîam 20:7 - ÎVUKU RÎA ÛVORO MWARO

⁷ Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

Kîam 20:7 ပူးပေါင်းရင်းမြစ်များ

Kîam 12:15

Nao anjaama a mûthamaki wa Misiri moona Sarai nîmeerire mûthamaki ûrîa Sarai aarî mûthaka. Kwoguo Sarai nîwavirirwe mûciî kwa mûthamaki.

Kîam 12:17

Nwatî Ngai-Mûnene nîwatûmîre mûthamaki wa Misiri na andû ake mûrimû mûcûku mûno nîûndû wa gwoca Sarai mûka wa Aburamu.

Kîam 2:17

tiga matunda ma mûtî ûrîa ûmenyithanagia maûndû maro na macûku. Ndûkanarîe matunda ma mûtî ûcio nîûndû vîndî îrîa ûkaamarîa, nwanginya ûgaakua.”

Kîam 20:18

Iburahimu eekire ûguo nîûndû Ngai-Mûnene aarî mûvingu nda ya mûka wa Abimeleki na ndungata ciake cia erîtu nîguo matikaagîe ciana.

Kîam 20:3

Nwatî na njîra ya kîroto Ngai nîwaumîrîre Abimeleki na akîmwîra atîrî, “We nîûgûkua nîûndû wa gwoca mûndûmûka ûyû. Ke nî mûka wene.”

Kîam 20:8

Mûthenya ûcio wîngî kîraûko tene Abimeleki nîwetire ndungata ciake na agîciîra maûndû mau monthe. Andû acio nîmaamakire mûno.

Kîam 23:6

“Mûthuuri ûyû, ta tûthikîrîrie; tue tûonaga ûrî mûtongoria mûnene. Thika mûkaguo mbîrîrarî yetû îrîa mbaro mûno. Gûtirî mûndû wanarî ûmwe gatagatîrî getû ûtangîkûva mbîrîra ya kûthika mûkaguo.”

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

1Atha 13:6

Mûthamaki Jeroboamu nîwerire mûndû ûcio wa Ngai atîrî, “Nakûthaitha nthaithîra Ngai-Mûnene, Ngai waku ûmwîre amvonie njara yakwa!” Mûndû ûcio wa Ngai nîwathaithire Ngai-Mûnene na njara ya mûthamaki nîyavonirue, na îgîkara wata mbere.

2Atha 5:11

Nwatî Naamani nîwarakarire na akîthiî akiugaga atîrî, “Nînîciragia nîaûka arûngame varî nie na amvoere kûrî Ngai-Mûnene, Ngai wake na ambararie njara ciake îgûrû rîa gûkû ndwarîte na amvonie!

1Maû 16:22

Aamerire atîrî, “Mûtikavutie andû aya nînîmathurîte mûtigeke arathi akwa ûndû mûcûku!”

2Maû 30:18

Andû eengî a kuuma Efiraimu, Manase, Isakaru na Zebuluni matietheretie, nwatî nîmaarîre pasaka matakûrûmîrîra ûrîa kwathanîtwe, nîûndû mûthamaki Hezekia nîwavoete Ngai-Mûnene nîûndû wao akiuga atîrî, “Ngai-Mûnene na mwaro, nakûthaitha wovere andû onthe

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Thaburi 25:14

Ngai-Mûnene nî mûrata wa arîa mamwathîkagîra, na nîamaririkanagia kîrîkanîro.

Ntha 18:17

Nake Jethiro nîwerire Musa atîrî, “Maûndû mama ndûrameka na njîra îrîa yagîrîrîte.

Ntha 4:16

Aroni nîke ûkaarîria andû vandûrî vaku. Nawe ûgaatuîka ta Ngai na ûmwîrage ûrîa akuga.

Ntha 7:1

Ngai-Mûnene nîwerire Musa atîrî, “Nie nîngûtua ta ûrî Ngai varî mûthamaki. Nake Aroni mûrwanyûkwe nîakaarîria mûthamaki ta arî mûrathi waku.

Jeremia 14:11

Ngai-Mûnene nîwambîrire atîrî, “Ndûkanthaithe ndethie andû aya.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 27:18

Ethîrwa o nî arathi na marî na ndûmîrîri ya Ngai-Mûnene, nî makaîre Ngai-Mûnene mwene vinya wonthe nîguo indo irîa ciatigarire hekarûrî ya Ngai-Mûnene na nyombarî ya mûthamaki wa Juda na Jerusalemu itikavirwe Babuloni.”

Ezek 3:18

Nîngîkera mûndû mwaganu atî nama nîagûkua nawe ûrege kûmûkaania nîguo agarûrûke avonokie mwoyo wake; mûndû mwaganu nîagaakua nîûndû wa waganu wake, nawe nîngaakûrîvia nthakame yake.

Ezek 33:8

Nîngîkera mûndû mwaganu atî nî agaakua, ûkaamwîra guo. Ûngîkaarega kûmûkaania nîguo atige mîthiîre yake ya waganu, mûndû ûcio nîagaakua nîûndû wa mevia make nawe nîngaakûrîvia gîkuû gîake.

Alawi 6:4

mûndû angîka wîvia ûmwe wa mau na amenye atî nîevîtie, nîagaacokia kîrîa aaîîte na njîra ya kûvinyanîrîria, kana kîrîa acunanîte, kana kîndû kîrîa aigîrîte mûndû kana kîndû kîrîa kîûru na agîkîona

Alawi 6:7

Mûthînjîri-Ngai nîakaaruta îgongoona rîa kûtheria wîvia wa mûndû ûcio, na mûndû ûcio nîakooverwa.”

Ciîko 8:24

Nake Simoni nîwerire Petero na Johana atîrî, “Mwenda mvoerani kûrî Mwathani nîguo ndikone ûndû wana ûmwe wa mau mwagweta.”

1Akor 14:4

Andû arîa maragia na nthiomi metethagia o ene, nwatî arîa managîrîra ndûmîrîri ya Ngai matethagia kanitha yonthe.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

1Joh 5:16

Ûngîona mûndû agîka rîvia rîrîa rîtangîtûma mûndû aûragwe mûvoere, na Ngai nîakaava mûndû ûcio mwoyo. Ûndû ûyû wîkîkaga kûrî andû arîa mekîte wîvia ûtangîtûma makue. Nwatî kûrî na wîvia ûtûmaga mûndû akue. Ndirauga atî mûndû nwa avoe nîûndû wa rîvia rîu.

1Sam 12:19

Nao andû acio nîmeerire Samueli atîrî, “Twakûthaitha ûtûvoere kûrî Ngai-Mûnene, Ngai waku, nîguo tûtigakue. Rîu nîtwamenya atî nîtwongererete mevia marîa mengî monthe metû na wîvia wa gwîtia mûthamaki.”

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.

1Sam 7:5

Nake Samueli agîtûmanîra andû onthe a Isiraeli mathiî macemanie Mizipa. Nake nîwamerire atîrî, “Nie nîngaamûvoera kûrî Ngai-Mûnene nîrî Mizipa.”

1Sam 7:8

Nao andû a Isiraeli nîmeerire Samueli atîrî, “Thiî na mbere gûtûvoera kûrî Ngai-Mûnene Ngai wetû nîguo atûvonokie kuuma kûrî Afilisiti.”