Kîam 20:6 - ÎVUKU RÎA ÛVORO MWARO

⁶ Nake Ngai-Mûnene nîwacokerie Abimeleki na njîra ya kîroto akîmwîra atîrî, “Îî, Nîmbicî atî wekire ûndû ûcio na thamiri îtarî na ûcuke, na nînie nagiririe ûmvîtîria na ngîgiria ûkuvîvîria Sara.

Kîam 20:6 ပူးပေါင်းရင်းမြစ်များ

Kîam 20:18

Iburahimu eekire ûguo nîûndû Ngai-Mûnene aarî mûvingu nda ya mûka wa Abimeleki na ndungata ciake cia erîtu nîguo matikaagîe ciana.

Kîam 26:11

Abimeleki nîwarutire watho na akîra andû onthe atîrî, “Mûndû wa wonthe ûgeeka mûndû ûyû, kana mûka ûndû mûcûku, nwanginya akaaûragwa.”

Kîam 3:3

nwatî mûtî ûrîa ûrî mûgûndarî gatagatî, Ngai aatwîrire tûtikarîe îtunda rîaguo wana kana tûrîvutie; nîguo tûtigakue.”

Kîam 31:24

Ûtukû ûcio Ngai nîwaumîrîre Labani na njîra ya kîroto na akîmwîra atîrî, “Menyerera ndûkeere Jakovu ûndû, ûrî ûndû mwaro kana mûcûku.”

Kîam 31:7

Kûnarî ûguo, aguo ethîrîtwe akîmveenia, na akagarûra mûcara wakwa maita îkûmi. Nwatî Ngai ndaanamwîtîkîria ambîke ûndû mûcûku.

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

Kîam 39:9

Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Ntha 34:24

Narîkia kwîngata ndûrîrî irîa ciîngî nîngaanenevia vûrûri wenyu. Na vîndî ya irugo icio ithatû rîrîa mûkethagîrwa mûthiîte mbere ya Ngai-Mûnene, Ngai wenyu kûmûgooca, gûtirî mûndû ûkeerirîria vûrûri wenyu.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Nthi 6:29

Ûguo nîguo gwîkaraga kûrî mûndû ûrîa ûtharagia na mûka wene; mûndû wa wonthe wîkaga ûguo nîakaaverithua.

Alawi 6:2

“Mûndû wa wonthe angîvîtîria Ngai-Mûnene na njîra ya kûveenia mûndû ûrîa wîngî na arege kûmûcokeria kîndû kîrîa amwigîrîte, kana kîndû kîrîa amûnengerete nîguo kîrûngamîrîre ûndû, kana aîe kîndû na vinya, kana avinyîrîrie mûndû ûrîa wîngî,

Mathaayo 27:19

Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”

1Akor 7:1

Nie nîngwaria ûvoro wîgiî maûndû marîa mue mwamandîkîre. Nîkwagîrîrîte mûndûmûrûme ndakavikanie.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

2Ath 2:11

Nîûndû wa ûguo Ngai nîatûmaga maveeneke nîguo metîkie maûndû ma maveeni.

2Ath 2:7

Nîûndû ûndû mûgeni na mûcûku tûtecî nî mwambîrîriu kûruta wîra, nginya rîrîa Ngai akaathengutia mûndû ûrîa ûgiragia maûndû mama monthe mekîke.

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.

1Sam 25:34

Ngai-Mûnene nîangiririe ndigakûgere ngero. Nwatî nîrevîta na Ngai wa Isiraeli ûrîa ûtûûraga mwoyo atî, kethîrwa ndûnaûkanga kûrî nie arûme onthe a Nabali mangîkethîrwa marî akuû rûyû kîraûko!”