Kîam 20:5 - ÎVUKU RÎA ÛVORO MWARO

⁵ Kinthî Iburahimu tîke wambîrire atî Sara nî mwarwang'ina, na Sara akîmbîra wa guo? Nie nekire ûndû ûyû ndarî na thamiri ikûnjuka, na kwoguo ndirî na mavîtia.”

Kîam 20:5 ပူးပေါင်းရင်းမြစ်များ

Kîam 12:13

We ûkaamera atî wî mwarwaiya, na nîûndû waku o makaambîka maûndû maro na matikaambûraga.”

Kîam 20:13

Vîndî îrîa Ngai aatûmire nthame nyume kwa vava mûciî, nînerire Sara atîrî, ‘Kûndû kûrîa kuonthe tûkathiîcaga, ûkoonanagia atî nîûmbathîkagîra na kuga atî, we ûrî mwarwaiya.’ ”

Kîam 20:16

Nîwacokire akîra Sara atîrî, “Taroria, nie nînaava mûndû ûrîa mûciaranîrîtue nake mbeca cia sîlûva ngiri îmwe îrî njîra ya kwonia andû onthe arîa mûrî nao atî we ndûrî na ûndû mûcûku wîkîte.”

1Atha 9:4

Ethîrwa ûkaandungatagîra ûrî na wîvokeku na ûthingu ta ûrîa aguo Daudi eekaga, na ûvingagie mawatho makwa na maûndû monthe marîa ngwathîte,

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Thaburi 24:4

Nî andû arîa marî ciîko mbaro na marî meciria matheru, arîa matagoocaga mîvuanano, na matevîtaga na ûndû wa maveeni.

Thaburi 25:21

Ngitîra nîûndû wa wega na wîvokeku wakwa, nîûndû we nîwe nîîvokete.

Thaburi 26:6

Nîrethambia njara ciakwa monanie atî ndirî na mavîtia, na nthiûrûrûke metha yaku ya kîgongoona ngîkûgooca, we Ngai-Mûnene,

Thaburi 7:8

We Ngai-Mûnene, nîwe ûtucagîra andû onthe, Ngai-Mûnene, nduîrîra kûringana na ûthingu wakwa, nîûndû gûtirî ûndû mûcûku mbîkîte.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Thaburi 73:13

Anga nî wîra wa mana kwiga ngoro yakwa îrî ntheru na ngemenyerera ndikevie?

Thaburi 78:72

Daudi nîwamamenyerere na ngoro ntheru, na nîwamatongoririe arî na wara mwîngî.

Nthi 11:3

Andû arîa athingu matongoragua nî mîthiîre mîkinyanîru, nwatî arîa evia macûkangagua nîûndû wa waganu wao.

Nthi 20:7

Mûndû mûthingu ûrîa ûtûûraga na mîtugo mîagîrîru, njiarwa ciake nîikaarathimwa.

Danieli 6:22

Ngai wakwa nîatûmire mûraika avinge mînyambû tûnyua nîguo ndîkanjûkangie. Ekire ûguo nîûndû ndianamûvîtîria kana ngûvîtîria we mûthamaki wetû.”

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

Josh 22:22

“Ngai Ûmwe ûrîa ûrî Vinya, nîke Ngai-Mûnene! Ngai Ûmwe ûrîa ûrî Vinya, nîke Ngai-Mûnene! Ke nîwicî kîrîa gîatûmire twîke ûguo na nîtûkwenda wanamue mûmenye. Ethîrwa nîtwekire ûndû mûcûku na tûkîthûkia kîrîkanîro gîetû na Ngai-Mûnene, ndûkareke tûtûûra mwoyo!