Kîam 19:9 - ÎVUKU RÎA ÛVORO MWARO

⁹ Nwatî arûme acio nîmaaugire atîrî, “Twererekere, we ûrî mûgeni gûkû! We ûrî û wa gûtwîra ûrîa tûgwîka? Twererekere kana tûgwîke naaî kûmakîra.” Nao nîmaatindîkire Loti na vuva na makîîvarîria gûtua mûrango.

Kîam 19:9 ပူးပေါင်းရင်းမြစ်များ

Kîam 11:6

na akiuga atîrî, “Taroria, andû aya nî andû amwe, na onthe marî na rûthiomi rûmwe, na gîkî nî Kîammbîrîria Kîam ûrîa tu mageka. Gûtirî ûndû makeenda gwîka ûmareme!

Kîam 13:12

Aburamu aatûûrire Kanaani, nake Loti akîthiî agîtûûra matûûrarî marîa maarî Kîamndarî Kîam Jorodani na akîamba îgema vakuvî na Sodomu.

Ntha 2:14

Nake mûndû ûcio nîwamûcokerie atîrî, “Nî ûrîkû wagûtwire wa gûtwathaga na gûtûtucagîra? Ûrenda kûmbûraga ta ûrîa ûraûragire Mûmisiri?” Musa nîwetigîrire na akîîra na ngoro atîrî, “Andû nîamenyu ûrîa mbîkîte.”

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Nthi 17:12

Nîkava gûcemania na ngatûnyi ya nga îcuunîtwe twana twayo, kûrî gûcemania na mûndû kîrimû akiuruga ûrimû wake.

Nthi 27:3

Îthiga na mûthanga nî ndito, nwatî thîna ûrîa ûngîretwe nî mûndû kîrimû nî mûrito makîria.

Mûvunjia 10:13

Kîrimû Kîammbagîrîria kwaria ûrimû, na gîkarîkîrîria na mîario ya ûgûrûki.

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Mathaayo 7:6

“Tigagani kûva ngui kîndû kîrîa kîtheru nîûndû nwa imûgarûrûke na ikamûtharîkîra. Na mûtigaikagîrie ngûrwe indo cienyu cia goro, nîûndû mweka ûguo indo icio nwa ikinyangwe nî ngûrwe.

1Sam 17:44

Mûfilisiti ûcio nîwerire Daudi atîrî, “Nguvîvîria na nînengera iconi cia rîerarî na nyamû cia kîthaka kimba gîaku.”

1Sam 2:16

Na ethîrwa mûndû ûcio nîangîacokerie ndungata na akamîîra atîrî, “Amba weterere twambe tûvîvie mathuma, ûcoke woce irîa ûkwenda.” Ndungata ya mûthînjîri-Ngai nîîngîaugire atîrî, “Naarî, nwanginya ûnengere rîu! Na ethîrwa ndûkûnengera, nie nîmboca na vinya.!”

1Sam 25:17

Rîu îîcirie ûvoro ûyû na ûmenye ûrîa wagîrîrwe nî gwîka. Ûndû ûyû wavota kûretere mwathi wetû ûndû mûcûku wa vamwe na andû a mûciî wake. Ke nî mûndû mwaganu na ndangîthikîrîria mûndû!”