Kîam 19:3 - ÎVUKU RÎA ÛVORO MWARO

³ Loti nîwathiîre na mbere kûmaringîrîria na mûthiiarî nîmaathiîre nake gwake mûciî. Loti nîwathire ndungata ciake iruge mîgate îno îtarî mîkîre ndawa ya kwimbia. Mîgate yarîkia kûvîa, ageni nîmaarîre.

Kîam 19:3 ပူးပေါင်းရင်းမြစ်များ

Kîam 19:2

na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 21:8

Kaana kau nîgaakûrire, na mûthenya ûrîa gatigithirue kwonga, Iburahimu nîwagîre na kîrugo kînene.

Kîam 24:31

Labani nîwerire ndungata îo atîrî, “Ûka tûthiî mûciî. We wî mûndû mûrathime nî Ngai-Mûnene. Ûrûgamîte ava nja nîkî? Nîrî mûvarîriu nyomba yaku ya kûraara wana vandû va kûraarwa nî ngamîîra ciaku.”

Kîam 26:30

Isaka nîwamarugîre, makîrîa na makînyua.

2Atha 4:8

Mûthenya ûmwe Elisha nîwathiîre Shunemu kûrîa mûndûmûka warî gîtonga aatûûraga. Mûndûmûka ûcio nîwaringîrîrie Elisha athiî akarîe irio gwake. Kwoguo kuuma vîndî îo, rîrîa rîonthe Elisha aathiîcaga Shumemu, nîwatonyaga mûciî kwa mûndûmûka ûcio na akarîa irio kuo.

Ntha 12:15

Ngai-Mûnene nîwacokire akiuga atîrî, “Vandû va mîthenya mûgwanja mue nwanginya mûrîcage mîgate îtarî mîkîre ndawa ya kwimbia. Mûthenya wa mbere mûkaathengutia ndawa ya kwimbia mîgate kwenyu mîciî, nîûndû mîthenyarî îo mûgwanja mûndû wa wonthe angîrîa mîgate îrî mîkîre ndawa ya kwimbia, ndagaataranîrua na andû acio engî a Isiraeli.

Ntha 12:39

Maaumire Misiri na îvenya matarugîte mîgate. Nwatî nîmaakuire mûtu ûtarî mwîkîre ndawa ya kwimbia. Mûtu ûcio nîmaaûrugire mîgate.

Luka 11:8

Nie nîramwîra nama atî wana angîthîrwa mûrata ûcio ndangîûkîra na amûnengere mîgate îo nîûndû atî ke nî mûrata wake, nwatî ke nwa aûkîre na akamûva kîndû kîrîa kîonthe avatarîte nîûndû wa gûtinda akîmûvoya.”

Luka 14:23

Mûnene wa ndungata îo nîwamîrire atîrî, ‘Thiî varavararî wa na tûcîrarî tûrîa tûrî nja ya îtûûra rîîrî ûringîrîrie andû maûke nîguo nyomba yakwa îcûre.

Luka 5:29

Lawi nîwacokire akîthondekera Jesû kîrugo kînene mûno gwake mûciî. Gîkundirî Kîam ageni arîa meetîtwe, kwarî na etia eengî a mbeca cia gooti wa vamwe na andû arîa engî.

Johana 12:2

Kûu nîkuo maamûvarîrîrie irio cia kîvwaî. Maritha nîwatethererie kûvecana irio, nake Lazaro aarî ûmwe wa arîa meekarîte na Jesû metharî.

1Akor 5:8

Kwoguo tigani tûkûngûîre kîrugo gîkî tûtarî na mîgate îrî na ndawa îno ngûrû ya kwimbia na nîo wîvia na waganu, nwatî nî na mûgate ûrugîtwe na mûtu ûrarî mwîkîre ndawa ya kwimbia ûrîa arî guo ûtheru na ûma.

2Akor 5:14

Tue twathagwa nî wendo wa Kristû, nîûndû nîtûmenyete atî mûndû ûmwe nîwakwire nîûndû wa andû onthe. Kwoguo andû onthe nîmagaanaga gîkuû gîake.

Ahib 13:2

Ririkanagani kûgwata andû ûgeni kwenyu mîciî. Andû amwe nîmaagwatire araika ûgeni matakûmenya.

Atir 6:19

Kwoguo Gideoni nîwathiîre gwake nyomba na akîruga koori na agîtûmîra kilo îkûmi cia mûtu kûruga mîgate îtarî mîkîre ndawa ya kwimbia. Nîwekîrire nyama gîkavurî, agîcoka agîkîra mûthûri nyûngûrî na akîvirîra mûraika wa Ngai-Mûnene vau aarî gîtinarî Kîam mûtî wa mûvuru.

1Sam 28:24

Mûndûmûka ûcio nîwathînjire njaû noru îrîa aarî nayo na îvenya, agîcoka agîoca mûtu wa ngano, agîûkanda na akîthondeka mîgate îtarî na ndawa ya kwimbia.