Kîam 19:2 - ÎVUKU RÎA ÛVORO MWARO

² na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 19:2 ပူးပေါင်းရင်းမြစ်များ

Kîam 18:4

Tigani nîmûretere manjî mwîthambie magûrû na mûvurûke rungu rwa mûtî ûyû.

Kîam 19:1

Araika acio aîrî nîmaathiîre Sodomu kîvwaî, nake Loti eekarîte kîvingorî gîa Sodomu. Rîrîa Loti oonire araika acio, nîwaûkîrire akîthiî kûmatûnga. Nîwenamîrîrie ûthiû wake mbere yao,

Kîam 19:3

Loti nîwathiîre na mbere kûmaringîrîria na mûthiiarî nîmaathiîre nake gwake mûciî. Loti nîwathire ndungata ciake iruge mîgate îno îtarî mîkîre ndawa ya kwimbia. Mîgate yarîkia kûvîa, ageni nîmaarîre.

Kîam 24:31

Labani nîwerire ndungata îo atîrî, “Ûka tûthiî mûciî. We wî mûndû mûrathime nî Ngai-Mûnene. Ûrûgamîte ava nja nîkî? Nîrî mûvarîriu nyomba yaku ya kûraara wana vandû va kûraarwa nî ngamîîra ciaku.”

Kîam 43:24

Ndungata îo nîyavirire anake acio a îthe ûmwe mûciî kwa Josefu. Nîyamavere manjî nîguo methambe magûrû, na akîva mvunda ciao irio.

2Sam 11:8

Nîwacokire akîîra Uria atîrî, “Thiî gwaku mûciî wambe ûkanogoke vanini.” Nake Uria nîwaumire nyombarî ya mûthamaki na akîthiî. Daudi nîwacokire akîmûtûmîra kîveo gwake mûciî.

Ayubu 31:32

Ndianarekia ageni maraara nja, nînyitaga evîtûkîri ûgeni gwakwa mûciî.

Nthi 25:17

Ndûgaceragîre mûndû ûrîa wîngî vîndî cionthe; nîûndû nwa anogue nîwe na akûthûûre.

Rwîmbo rwa Nyîmbo 5:3

Nie nîrî mûrutu nguo; nîngîîkîra nguo rîngî atîa? Nîrî mwîthambiu magûrû; nîngîmavaka gîko rîngî atîa?

Luka 7:44

Nake Jesû nîwacokerie Simoni atîrî, “We nîwaria ma.” Nîwacokire akîvûgûkîra mûndûmûka ûcio na akîîra Simoni atîrî, “Simoni nî ûrona mûndûmûka ûyû? Nie mbûkire na natonya gûkû gwaku nyomba, na ndûnamva manjî ma kwîthambia magûrû. Nwatî ke aconja magûrû makwa na methori make na acoka angiria methori mau na njuîrî ciake.

Johana 13:5

Nîwacokire agîkîra manjî kîraîrî na akîambîrîria kûthambia arutwa ake magûrû akîmagiragia na taurû îo eeyovete kîûnûrî.

Ciîko 16:15

Ke na andû onthe a mûciî wake nîmaavatithirue. Nîwacokire agîtûthaitha agîtwîra atîrî, “Ethîrwa mue nîmwatua atî nie na ma nîmbîtîkîtie Mwathani, ûkani vi mûgekare gwakwa mûciî.” Nake nîwageririe mûno gûtwîgwithia atî tûthiî tûgekaranie nake.

Ahib 13:2

Ririkanagani kûgwata andû ûgeni kwenyu mîciî. Andû amwe nîmaagwatire araika ûgeni matakûmenya.