Kîam 19:16 - ÎVUKU RÎA ÛVORO MWARO

¹⁶ Loti ndeka ûndû ûcio na îvenya. Nwatî Ngai-Mûnene nîwamwîguîrîre ntha. Kwoguo arûme acio aîrî nîmaanyitire Loti, mûka, na erîtu ake aîrî njara na makîmaruta nja ya îtûûra rîu.

Kîam 19:16 ပူးပေါင်းရင်းမြစ်များ

Kîam 19:15

Kîraûko tene araika acio nîmeerire Loti atîrî, “Ûkîra narua woce mûka waku na erîtu aku aîrî mûre, nîguo mûtikathiranîrue vamwe na îtûûra rîîrî.”

Kîam 43:10

Kethîrwa tûtinekara mûno, tûngîrî athiîu kuo maita maîrî na tûgacoka.”

1Maû 16:34

Cokeriani Ngai-Mûnene ngatho nîûndû ke nî mwaro, wendo wake ûtathiraga ûtûûraga tene na tene.

Thaburi 103:13

Taûrîa ciana ciîgucagîrwa ntha nî îthe, nwaguo Ngai-Mûnene egucagîra arîa mamwîtigîrîte ntha.

Thaburi 106:1

Kumiani Ngai-Mûnene! Kumiani Ngai-Mûnene nîûndû nî mwaro; nîûndû wendo wake ûtathiraga ûtûûraga tene na tene.

Thaburi 106:8

Kûnarî ûguo nîwamavonokirie wata ûrîa eeranîrîte, nîguo onanie vinya wake mûnene.

Thaburi 107:1

“Cokeriani Ngai-Mûnene ngatho, nîûndû nî mwaro; nîûndû wendo wake ûtathiraga nîwa tene na tene!”

Thaburi 111:4

Nîatûmîte maûndû make ma magegania maririkanagwe; Ngai-Mûnene nî mûtugi na arî ntha.

Thaburi 118:1

Cokeriani Ngai-Mûnene ngatho nîûndû nî mwaro; nîûndû wendo wake ûtathiraga ûtûûraga tene na tene.

Thaburi 119:60

Mvinyûraga na ndiceragîrwa, nîguo mvingie maathani maku.

Thaburi 136:1

Cokeriani Ngai-Mûnene Ngatho nîûndû nî mwaro, nîûndû wendo wake ûtathiraga ûtûûraga tene na tene.

Thaburi 32:10

Andû arîa aganu nî makoona mathîna meengî, arîa mevokete Ngai-Mûnene nî agitîre nî wendo wake ûtathiraga.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 33:19

Nîamavonokagia kuuma gîkuûrî, na akamatûûria mwoyo vîndî ya yûra.

Thaburi 34:12

Nwa wende gûkenera ûtûûro waku? Nwa wende gûtûûra îvinda îraca na ûrî na gîkeno?

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Ntha 34:7

Nînginyagîria wendo wakwa ûtathiraga njiarwa ngiri nyîngî na ngarekera arîa mekaga naaî na mareganaga nanie na makevia. Nwatî nîngaaverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.”

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Johana 6:44

Gûtirî mûndû ûngîûka kûrî nie, tiga nwanga Vava ûrîa wandûmire andeterete ke. Nanie nîngaariûkia mûndû ûcio mûthenya wa mûthiia.

Aroma 9:18

Kwoguo Ngai nîegucagîra ntha ûrîa enda kwîguîra, na ûrîa enda kûmia ngoro nîamûûmagia.

2Akor 1:3

Nîtûcokieni ngatho kûrî Ngai îthe wa Mwathani wetû Jesû Kristû. Nî îthe wetû ûrî ntha, na nî Ngai ûmanagîrîria maûndûrî monthe!

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.

Gûco 5:15

Ririkana atî vîndî îmwe warî Ngombo vûrûrirî wa Misiri, na Ngai-Mûnene, Ngai waku nîwakûrutire kuo na vinya na wathani na nî kîo Ngai-Mûnene, Ngai waku arakwatha ûkûngûagîre mûthenya wa thavatû.

Gûco 6:21

nîmûgaaciîra atî, ‘Tue twarî ngombo cia mûthamaki wa Misiri, na Ngai-Mûnene agîtûtethûra ûkomborî ûcio na ûvoti wake mûnene.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Josh 6:22

Joshua nîwacokire akîra andû aîrî arîa maathiîte kûthigana vûrûri ûcio atîrî, “Thiîni nyombarî ya Rahabu ûrîa mûmaraa, mûmûrute kuo wa vamwe na andû a nyomba yake wata ûrîa mwarîkanîre nake.”

2Pet 2:7

Nwatî Ngai nîwavonokirie Loti mûndû warî mûthingu. Loti aarî mûndû mûthingu. Ke nîwegwithagua kîeva nî mîtugo ya waganu ya andû arîa maareganaga na watho.

2Pet 2:9

Kwoguo Mwathani nîwîcî kûvonokia andû arîa marî na ûngai kuuma mageriorî na kwiga arîa aganu makîverithagua nginya rîrîa mûthenya wa îtuîro ûgaakinya.