Kîam 18:8 - ÎVUKU RÎA ÛVORO MWARO

⁸ Iburahimu nîwocire maguta ma îriia, na îriia, na nyama, akîvirîra andû acio marîe. Nake nîwarûngamire varî o, nao nî maarîre marî vau rungu rwa mûtî.

Kîam 18:8 ပူးပေါင်းရင်းမြစ်များ

Kîam 18:7

Iburahimu nîwavinyûrire ndîthiarî yake na agîoca njaû îrîa yarî na nyama ndotu na yarî noru, na akîmînenganîra kûrî ndungata ciake ikamîthînje.

Kîam 18:9

Nao andû acio nîmaaûririe Iburahimu atîrî, “Mûkaguo Sara arî kû?” Nake nîwamacokerie atîrî, “Arî kûrîa îgemarî.”

Kîam 19:3

Loti nîwathiîre na mbere kûmaringîrîria na mûthiiarî nîmaathiîre nake gwake mûciî. Loti nîwathire ndungata ciake iruge mîgate îno îtarî mîkîre ndawa ya kwimbia. Mîgate yarîkia kûvîa, ageni nîmaarîre.

Nehemia 12:44

Kavinda kau andû nîmaathuurirwe a kûrûngamîrîra nyomba irîa cigagwa indo irîa ciarutagwa nîûndû wa hekarû. Kûu nwakuo kwaigagwa matega ma gîcunjî gîa îkûmi na irio cia mûgûnda cia mbere na matunda marîa maatunîvaga mbere wa mwaka wa mwaka. Arûme acio nîo meerirwe mocage maruta kuuma mîgûndarî îrîa yarî vakuvî na matûûra nîûndû wa Alawi na athînjîri-Ngai wata ûrîa Watho waugîte. Andû onthe a Juda nîmaakenire nî athînjîri-Ngai na Alawi arîa maatungataga,

Isaia 7:15

Kaana kau gakaarîcaga ûûkî na kanyunyage îriia, nginya rîrîa gakaamenya kûthuura maûndû maro na kûrega maûndû macûku.

Isaia 7:22

Nacio nîikaaruta îriia rîîngî nginya mûndû ûcio agîe na kîrîa kîonthe avataraga. Nao andû anini arîa magaatigara vûrûrirî makaanyunyaga îriia na makarîa ûûkî.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 17:8

Na ma ndangîmîra ûguo! Vandû va ûguo nwa amîrire atîrî, ‘Mvarîrîria irio cia kîvwaî na weterere ndîe na nyue. Navaa nîrîo ûkaarîa na ûnyue.’

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Luka 24:43

nake agîgîoca na agîkîrîa mamûroretie.

Johana 12:2

Kûu nîkuo maamûvarîrîrie irio cia kîvwaî. Maritha nîwatethererie kûvecana irio, nake Lazaro aarî ûmwe wa arîa meekarîte na Jesû metharî.

Ciîko 10:41

Ke ndoonekana nî andû onthe, nwatî oonekanire tu nî aira arîa Ngai aarîkîtie kûthuura. Na rîu, tue nîtue aira arîa maarîcanîre na makînyunyanîra nake arîkia kûriûkua.

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Gûco 32:14

Ngai-Mûnene nîwamavere maguta na îriia kuuma ndîthiarî, maarî na mathunya ma ng'ondu na ndûrûme, na ng'ombe cia Bashani na mbûri. Nîwamavere ngano irîa mbaro mûno, na ndivei îrîa mbaro mûno.

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.

Atir 13:15

Nake Manoa nîwerire mûraika wa Ngai-Mûnene atîrî, “Nakûthaitha ndûkathiî. Tiga tûkûrugîre koori.”

Atir 5:25

Sisera aavoire manjî, nwatî Jaeli aamûkundirie îriia, nîwamûvirîre kîrimû kîrî mbakûrirî ta cia athamaki.