Kîam 18:5 - ÎVUKU RÎA ÛVORO MWARO

⁵ Wana nîngûmûretere tûirio tûnini, nîguo mwarîa mûgîe na vinya wa kûthiî na mbere na rûgendo rwenyu nîûndû nî mwamva gîtîîo mwaûka gwakwa mûciî, kwoguo tigani nîmûtungatîre.” Nao nî maamûcokerie atîrî, “Nîwaro nî twetîkîra.”

Kîam 18:5 ပူးပေါင်းရင်းမြစ်များ

Kîam 18:6

Iburahimu nîwavinyûrire îgemarî na akîra Sara atîrî, “Oca narua mûtu waku ûrîa mwaro mûno wa ngano ûûkande ûmarugîre mîgate.”

Kîam 19:8

Taroriani, nîrî na erîtu akwa aîrî matarî maamenyana kîîmwîrî na mûndû mûrûme. Tiga nîmûretere o na mwîke nao wa ûrîa mûkwenda. Nwatî mûtigeke arûme aya marî gwakwa mûciî wa naarî ûndû. Nî ageni akwa na nwanginya nîmagitîre.”

Kîam 33:10

Jakovu nîwamûcokerie atîrî, “Naarî, ethîrwa nîmbîtîkîrîkîte nîwe, nakûthaitha wamûkîre kîveo gîakwa. Nîûndû nama, kwona ûthiû waku nî ta kwona ûthiû wa Ngai. Ûnyamûkîre na wendo mûnene atî, nakwona nona takwa nona ûthiû wa Ngai.

1Atha 17:11

Rîrîa mûndûmûka wa ndigwa aathiîcaga kûgîra manjî, Elija nîwamwîtire na akîmwîra atîrî, “Nakûthaitha ûndetere kanuku ka mûgate wana ko.”

Thaburi 104:15

na ndivei ya kûmacanjamûra, maguta ma ndamaiyû ma kûmûkenia, na irio cia gûtûma agîe na vinya.

Isaia 3:1

Rîu Mwathani Ngai-Mûnene mwene vinya wonthe, nîakûthengutîria Jerusalemu na Juda mwîvoko wao, mwîvoko wao wa irio na wa manjî.

Mathaayo 6:11

Tûve ûmûnthî irio cietû cia gûtwîgana.

Atir 13:15

Nake Manoa nîwerire mûraika wa Ngai-Mûnene atîrî, “Nakûthaitha ndûkathiî. Tiga tûkûrugîre koori.”

Atir 13:16

Nwatî mûraika wa Ngai-Mûnene nîwerire Manoa atîrî, “Ethîrwa nîngwîkara gûkû, tîndîa irio cienyu. Nwatî ethîrwa nîmûkwenda kûivarîrîria, ivîvieni rîrî îtega kûrî Ngai-Mûnene.” (Manoa ndaamenyaga atî ûcio aarî mûraika wa Ngai-Mûnene.)

Atir 19:5

Kîraûko Kîam mûthenya wa kana, nîmaaramûkire tene na makîîvarîria kûthiî. Nwatî îthe wa mûndûmûka ûcio nîwerire Mûlawi atîrî, “Amba ûrîe irio nîguo ûgîe vinya. Nwa ûthiî vuvarî.”

Atir 6:18

Nakûthaitha ndûkaume ava nginya rîrîa ngaacoka, nîguo ngûretere îtega.” Nake mûraika nîwacokirie atîrî, “Nîmbîkara ava nginya rîrîa ûgaaûka.”

Atir 6:19

Kwoguo Gideoni nîwathiîre gwake nyomba na akîruga koori na agîtûmîra kilo îkûmi cia mûtu kûruga mîgate îtarî mîkîre ndawa ya kwimbia. Nîwekîrire nyama gîkavurî, agîcoka agîkîra mûthûri nyûngûrî na akîvirîra mûraika wa Ngai-Mûnene vau aarî gîtinarî Kîam mûtî wa mûvuru.