Kîam 18:14 - ÎVUKU RÎA ÛVORO MWARO

¹⁴ Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

Kîam 18:14 ပူးပေါင်းရင်းမြစ်များ

Kîam 17:16

Nîngûmûrathima na ndûme agûciarîre kavîcî, na ndûme atuîke ng'ina wa ndûrîrî nyîngî. Njiarwarî ciake nîgûkaauma athamaki.”

Kîam 17:21

Nwatî nîngavingia kîrîkanîro gîakwa na Isaka, ûrîa ûgaaciarwa nî Sara mavinda wata mama mwaka ûcio wîngî.”

Kîam 18:10

Ngai-Mûnene nîwaugire atîrî, “Vuva wa mîeri kenda kuuma rîu, nîngaacoka, na mûkaguo Sara nîakaagîa na mwana wa kavîcî.” Sara aarûngamîte mûrangorî wa îgema arî vuva wa Iburahimu athikîrîrîtie.

Kîam 18:13

Nake Ngai-Mûnene nîwaûririe Iburahimu atîrî, “Nîndûî gîtûmire Sara atheka na auga, ‘Nwa kûvoteke nie ngîe kaana nîrî mûkûrû ûguo?’

Kîam 18:15

Sara nîwetigîre, kwoguo nîwakaanire na akiuga atîrî, “Nie ndinatheka.” Nwatî Ngai-Mûnene nîwamwîrire atîrî, “Naarî we nîûthekire.”

Kîam 21:1

Ngai-Mûnene nîwarathimire Sara wata ûrîa aamwîrîrîte.

Kîam 21:2

Iburahimu aarî mûthuuri mûkûrû vîndî îrîa Sara aagîre îvu na agîciara kavîcî. Kavîcî kau gaaciarirwe kavinda wa karîa Ngai-Mûnene aaugîte nîgagaaciarwa.

2Atha 4:16

na Elisha nîwamwîrire atîrî, “Vîndî ta îno mwaka mûku nîûkethîrwa ûrî na kaana gaku ga kavîcî.” Nake mûndûmûka nîwaugire atîrî, “Ûûi! Naarî mwathi wakwa, mûndû wa Ngai tiga kûmveenia!”

Ayubu 36:5

“Taroria Ngai arî vinya, na ndairaga mûndû, arî vinya mwîngî mûno wa meciria.

Ayubu 42:2

“Nîmbicî atî ûrî na ûvoti wa gwîka maûndû monthe, na gûtirî mûndû ûngîregana na wendi waku.

Thaburi 90:13

We Ngai-Mûnene, nîwîkara ûrakarîte nîtue nginya rî? Coka na ûtwîguîre ntha, tue ndungata ciaku.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Thaburi 95:3

Nîûndû Ngai-Mûnene, nî Ngai mûnene, na nî mûthamaki mûnene gûkîra ngai cionthe.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

Jeremia 32:27

“Taroria, nie nînie Ngai-Mûnene, Ngai wa andû onthe. Gûtirî ûndû ûngînema.

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Zakaria 8:6

“Ûndû ûyû nwa woneke ûrî mûrito ta ûtangîvoteka methorî ma andû arîa matigarîte, nwatî kûrî nie Ngai-Mûnene mwene vinya wonthe tî ûndû mûnene.

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Mathaayo 14:31

Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”

Mathaayo 19:26

Nake Jesû nîwamaroririe na akîmeera atîrî, “Ûndû ta ûyû ndûngîvoteka nî andû, nwatî maûndû monthe nîmavotekaga nî Ngai.”

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Maariko 10:27

Jesû nîwamaroririe na akîmeera atîrî, “Ûndû ta ûyû ndûngîvotekeka nî andû, nwatî maûndû monthe nîmavotekekaga nî Ngai.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 1:18

Zakaria nîwaûririe mûraika ûcio atîrî, “Ngaamenya atîa maûndû mau, nîûndû nie nîrî mûkûrû na mûndûmûka wakwa wa nake nî mûkûrû?”

Luka 1:37

nîûndû gûtirî ûndû Ngai atangîvota gwîka.”

Luka 8:50

Nwatî rîrîa Jesû eegwire ûguo nîwerire Jairû atîrî, “Tiga kwîgua guoya, îtîkia tu, na mwarîguo nîakûvona.”

Aroma 4:21

Iburahimu nîwamenyire na ma atî Ngai nwa akaavingia ûrîa wonthe eranîrîte.

Aefeso 3:20

Ngai arokumua na njîra ya vinya wake ûrîa ûrutaga wîra ndaarî yetû, ke nîavotaga gwîka maûndû meengî mûno makîria ya marîa tûngîmûria wana kana tûngîciria.

Gûco 30:3

Ngai-Mûnene Ngai wenyu nîakaamwîguîra ntha na amûcokanîrîrie vamwe rîngî kuuma mavûrûrirî monthe marîa aamûnyaganirie.

Gûco 7:21

Kwoguo mûtigetigîre andû acio. Ngai-Mûnene, Ngai wenyu arî vamwe namue; nî Ngai mûnene na wagîrîrwe nî gwîtigîrwa.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Afil 4:13

Nwambîke maûndû monthe na njîra ya ûrîa ûmvecaga vinya.

Ahib 11:19

Iburahimu nîwetîkîtie atî Ngai nwa avote kûriûkia Isaka. Kwoguo nwa tuge, Iburahimu nîkwa aamûkîîre Isaka rîngî kuuma kûrî gîkuû.

Atir 13:3

Mûraika wa Ngai-Mûnene nîwaumîrîre mûndûmûka ûcio na akîmwîra atîrî, “Taroria, we ûtûîre ûrî nthata, nwatî îvinda rîtarî îraca nîûkûgîa îvu na nîûgaaciara kavîcî.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”