Kîam 18:10 - ÎVUKU RÎA ÛVORO MWARO

¹⁰ Ngai-Mûnene nîwaugire atîrî, “Vuva wa mîeri kenda kuuma rîu, nîngaacoka, na mûkaguo Sara nîakaagîa na mwana wa kavîcî.” Sara aarûngamîte mûrangorî wa îgema arî vuva wa Iburahimu athikîrîrîtie.

Kîam 18:10 ပူးပေါင်းရင်းမြစ်များ

Kîam 16:10

Nîwacokire akîra Hagari atîrî, “Nîngaatûma njiarwa ciaku ciîngîve ûndû itangîtarîka.

Kîam 17:16

Nîngûmûrathima na ndûme agûciarîre kavîcî, na ndûme atuîke ng'ina wa ndûrîrî nyîngî. Njiarwarî ciake nîgûkaauma athamaki.”

Kîam 17:19

Nwatî Ngai nîwerire Iburahimu atîrî, “Naarî. Mûkaguo Sara nîagaagûciarîra mwana wa kavîcî na ûgaagatuîra rîîtwa Isaka. Nîngaavingia kîrîkanîro gîakwa nake wana njiarwa ciake tene na tene.

Kîam 17:21

Nwatî nîngavingia kîrîkanîro gîakwa na Isaka, ûrîa ûgaaciarwa nî Sara mavinda wata mama mwaka ûcio wîngî.”

Kîam 18:9

Nao andû acio nîmaaûririe Iburahimu atîrî, “Mûkaguo Sara arî kû?” Nake nîwamacokerie atîrî, “Arî kûrîa îgemarî.”

Kîam 21:1

Ngai-Mûnene nîwarathimire Sara wata ûrîa aamwîrîrîte.

Kîam 21:2

Iburahimu aarî mûthuuri mûkûrû vîndî îrîa Sara aagîre îvu na agîciara kavîcî. Kavîcî kau gaaciarirwe kavinda wa karîa Ngai-Mûnene aaugîte nîgagaaciarwa.

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Agal 4:23

Mûriû wa Iburahimu ûrîa maagîte na mûndûmûka ûrîa warî ngombo aaciarirwe na njîra îrîa ciana iciaragwa nayo. Nwatî mûriû wa Iburahimu ûrîa maagîre na mûndûmûka ûrîa ûtaarî ngombo aaciarirwe na njîra ya kîîranîro.

Agal 4:28

Rîu mue ariû na aarî a îthe wetû, mûrî ciana cia Ngai nîûndû wa kîîranîro wata Isaka.