Kîam 17:19 - ÎVUKU RÎA ÛVORO MWARO

¹⁹ Nwatî Ngai nîwerire Iburahimu atîrî, “Naarî. Mûkaguo Sara nîagaagûciarîra mwana wa kavîcî na ûgaagatuîra rîîtwa Isaka. Nîngaavingia kîrîkanîro gîakwa nake wana njiarwa ciake tene na tene.

Kîam 17:19 ပူးပေါင်းရင်းမြစ်များ

Kîam 16:11

We nîûkaagîa na kaana ga kavîcî, na ûgatuîre rîîtwa Ishumaeli, nîûndû Ngai-Mûnene nîamenyete mathîna maku.

Kîam 17:16

Nîngûmûrathima na ndûme agûciarîre kavîcî, na ndûme atuîke ng'ina wa ndûrîrî nyîngî. Njiarwarî ciake nîgûkaauma athamaki.”

Kîam 17:18

Iburahimu nîwaûririe Ngai atîrî, “Nîkwa ûtangîtîkîra Ishumaeli atuîke wa kûngaa?”

Kîam 17:21

Nwatî nîngavingia kîrîkanîro gîakwa na Isaka, ûrîa ûgaaciarwa nî Sara mavinda wata mama mwaka ûcio wîngî.”

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

Kîam 21:6

Nake Sara nîwaugire atîrî, “Ngai nîatûmîte ntheke na mûndû wa wonthe ûkeegucaga ûvoro ûyû wa nake akaathekaga.”

Kîam 26:2

Ngai-Mûnene nîwaumîrîre Isaka na akîmwîra atîrî, “Ndûkathiî Misiri; îkara vûrûrirî ûrîa ngûkwîra wîkare.

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 9:16

Vîndî îrîa mûkûngambura waumîra matuurî, ngawonaga ngaririkana kîrîkanîro gîakwa gîa tene na tene kîrîa naarûthire na ciûmbe cionthe irîa irî mwoyo gûkû nthî.

Luka 1:55

Wa ta ûrîa erîîre methe metû, nîakeguîra Iburahimu na njiarwa ciake ntha tene na tene!”

Ahib 11:11

Nîûndû wa wîtîkio Sara nîwagîre na mwana wana ethîrwa aarî nthata nake Iburahimu aarî mûkûrû. Iburahimu nîwetîkîtie atî Ngai nîmwîvokeku na nîakaavingia ûrîa aamwîrîîre.