Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kîam 17:17 - ÎVUKU RÎA ÛVORO MWARO

17 Iburahimu nîwenamîrîrie ûthiû wake ûkîvutia nthî, na akîambîrîria kûtheka akîîyûragia atîrî, “Mûndûmûrûme wa ûkûrû wa mîaka îgana nwa agîe mwana? Sara nwa agîe mwana arî na ûkûrû wa mîaka mîrongo kenda?”

အခန်းကိုကြည့်ပါ။ ကော်ပီ




Kîam 17:17
26 ပူးပေါင်းရင်းမြစ်များ  

Iburahimu nîwaûririe Ngai atîrî, “Nîkwa ûtangîtîkîra Ishumaeli atuîke wa kûngaa?”


Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,


Iburahimu na Sara maarî akûrû, na Sara nîwavîtûkîtie mavinda make ma mweri.


Kwoguo Sara nîwathekire ke mwene na akiuga atîrî, “Rîu nîrî mûkûrû na mûthuuriwa nî mûkûrû, nwa ngenerere kûmenyana nake kîîmwîrî?”


Iburahimu aarî wa mîaka îgana rîmwe rîrîa Isaka aaciarirwe.


Nake Sara nîwaugire atîrî, “Ngai nîatûmîte ntheke na mûndû wa wonthe ûkeegucaga ûvoro ûyû wa nake akaathekaga.”


Sara nîwacokire akiuga atîrî, “Nî kûrî mûndû ûngîerire Iburahimu atî Sara nwa ongie mwana. Rîu nîrîmûmûciarîru kavîcî arî mûkûrû.”


Daudi nîwonire mûraika wa Ngai-Mûnene arûngamîte rîerarî gatagatî ka nthî na îgûrû agwete rûviû na njara rûrî rûcomore njûrarî na rûkîrîrîtue îgûrû rîa Jerusalemu. Daudi na athuuri, mekîrîte nguo cia macakaya nîmegwîthirie na magîturumithia mothiû mao nthî.


Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,


Ûkengu ûcio warî na marangi ta ma mûkûngambura. Ûguo nîguo mûvano wa ûkengu wa riiri wa Ngai-Mûnene wekariî. Rîrîa nawonire nînegwîthirie ngîturumithia ûthiû nthî, na ngîgua mûgambo wambarîria.


Gaburieli nîwaûkire na akîrûngama varîa naarî. Nînavavûkire mûno nginya ngîgwa nthî. Nwatî Gaburieli nîwambîrire atîrî, ‘We mûndû ûyû, menya atî maûndû mau wonire megiî mavinda ma mûthiia.’


Wa rîmwe mwaki nîwaumire kûrî Ngai-Mûnene na ûkîvîvia îtega rîa kûvîvua vamwe na mathunya marîa maarî îgûrû rîa metha ya kîgongoona. Rîrîa andû onthe a Isiraeli moonire ûguo, nîmaaugîrîrie marî na gîkeno na makînamîrîria mothiû mao nthî.


Musa na Aroni nîmaacokire makînamîrîria mothiû mao nthî mbere ya andû onthe a Isiraeli arîa maagomanîte vau.


Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”


“Thengutîra andû aya a Isiraeli nîguo nîmathirie wa rîu!” Nao oîrî nîmaaturumithirie mothiû mao nthî,


Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.


Zakaria nîwaûririe mûraika ûcio atîrî, “Ngaamenya atîa maûndû mau, nîûndû nie nîrî mûkûrû na mûndûmûka wakwa wa nake nî mûkûrû?”


Îthe wenyu Iburahimu nîwakenire agîîciria atî nîakoona îvinda rîrîa ngaaûka. Ke nîwarîonire na agîkena.”


Nînaacokire ngîmama ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna, ûtukû na mûthenya, ndakûrîa kana nyua kîndû. Nekire ûguo nîûndû nîmwekîte mevia mbere ya Ngai-Mûnene na mûgîtûma arakare.


“Kwoguo nînaamamire ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna ûtukû na mûthenya, nîûndû nînaamenyete atî Ngai-Mûnene nîwavangîte kûmûthiria.


Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”


Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.


Nao athuuri mîrongo îîrî na ana arîa mekaragîra itî ciao cia ûthamaki vau mbere ya Ngai, nîmeegwîthirie, magîturumithia mothiû mao nthî na makîgooca Ngai,


Na vîndî îrîa Gatûrûme oocire îvuku rîu rîa gîkûnjo, ciûmbe inya irîa irî mwoyo nîciegwîthirie nthî vau mbere ya Gatûrûme. Wa kîûmbe Kîamrî na ngita na mbakûri ya thaavu îcûrîte ûbani, ûrîa aarî guo mavoya ma andû a Ngai. Wana nginya athuuri acio mîrongo îîrî na ana nîmeegwîthirie nthî vau mbere ya Gatûrûme na wa mûthuuri arî na ngita na mbakûri ya thaavu îcûrîte ûbani ûrîa arî guo mavoya ma andû a Ngai.


Rîrîa nînîmbî cia mwaki ciaunûkagia na îgûrû kuuma metharî ya kîgongoona, Manoa na mûka nîmoonire mûraika wa Ngai-Mûnene aunûkîtie na îgûrû arî nînîmbîrî cia mwaki. Manoa na mûka nîmeenamîrîrie mothiû mao nthî makîgooca na matiacoka kwona mûraika ûcio rîngî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ