Kîam 17:10 - ÎVUKU RÎA ÛVORO MWARO

¹⁰ Kîrîkanîro kîrîa we na njiarwa ciaku mwagîrîrwe nî kûvingia nî gîkî: nwanginya mûrwithagie mûndûmûrûme wa wonthe gatagatîrî kenyu.

Kîam 17:10 ပူးပေါင်းရင်းမြစ်များ

Kîam 17:11

Mûkaaruaga gîkonde Kîam îgûrû gîa ciîga cia ûciari na rûu nîruo rûkethagîrwa rûrî rûûri rwa kîrîkanîro gîakwa namue.

Kîam 17:23

Mûthenya wa ûcio Iburahimu nîwaruithirie Ishumaeli, arûme arîa engî onthe maarî gwake mûciî, wa vamwe na ngombo irîa ciaciarîrîtwe gwake mûciî wana irîa ciagûrîtwe. Na njîra îo, Iburahimu nîwathîkîre Ngai.

Kîam 17:27

wa vamwe na arûme onthe a gwake mûciî, na arîa maaciarîrîtwe gwake mûciî marî ngombo wana arîa maagûrîtwe.

Kîam 21:4

Vîndî îrîa Isaka aakinyirie mîthenya înana, Iburahimu nîwamûruithirie, wata ûrîa Ngai aathanîte.

Kîam 34:15

Ûndû ûrîa ûngîtûma twîtîkîre ûvikie Dina nwa arûme onthe enyu marwithirue mekare tatue.

Kîam 34:22

Nwatî ûndû ûrîa ûngîtûma andû acio metîkîre gûtûûrania natue na tûtuîke kîndû kîmwe nao nî atî: Arûme onthe etû marue wata ûrîa o marî aruu.

Ntha 12:48

Mûgeni ûrîa ûkethîrwa atûûrîte gatagatîrî kenyu na ende gûkûngûîra pasaka akumie Ngai-Mûnene, mue nîmûkaamba kûruithia arûme onthe a mûciî ûcio. Mûndû ûcio nîagaacoka atuwe ta mûndû ûciarîrîtwe kwa andû a Isiraeli na nwa mûkûngûîre pasaka mûrî vamwe nake.

Ntha 4:25

Nake Zipora mûka wa Musa nîwavinyûrire na agîoca kathiga kaavana ta kîenji na akîruithia mûvîcî, agîcoka akîvutia magûrû ma Musa na nyama îo aatinirie aruithia mûvîcî. Nîûndû wa mîtugo ya kîndûîre ya kûrua, Zipora nîwerire Musa atîrî, “Na ma we wî mûthuuri wakwa na njîra ya nthakame.”

Jeremia 4:4

Mue andû a Juda na atûûri a Jerusalemu, îtherieni mûrî mbere yakwa nie Ngai-Mûnene, igani ngoro cienyu îrî ntheru mûrî mbere yakwa. Ethîrwa tî mwîka ûguo nîmbakanwa nî marakara, na gûtirî mûndû ûngîmavoria, nîûndû wa maûndû macûku marîa mwîkaga.”

Johana 7:22

Musa aamwathire mûruithagie tûvîcî twenyu (wana gûtuîka mûtugo ûcio ndwambîrîrue nî Musa, nwatî wambîrîrue nî methe menyu ma tene) na kwoguo rîu nîmûruithagia tûvîcî mûthenya wa thavatû.

Ciîko 7:8

Ngai nîwarûthire kîrîkanîro na Iburahimu, na ruo rûûri rwa kîrîkanîro kîu rwarî îrua. Kwoguo Iburahimu nîwaciarire Isaka, na akîmûrwithia akinyia ûkûrû wa mîthenya înana. Isaka nake nîwarwithirie mûvîcî Jakovu, na Jakovu akîrwithia avîcî ake îkûmi na aîrî arîa maarî methe ma tene ma andû etû.

Aroma 2:28

Mûyahudi wa ma tî ûrîa wonekaga na îgûrû atî nî Mûyahudi, nakuo kûrua kwa ma tî kûrua mwîrî.

Aroma 3:25

Ngai aavecanire Jesû nîguo na njîra ya gîkuû gîake andû moverwe mevia mao nîûndû wa wîtîkio wao. Ngai ekire ûguo nîguo onanie ûrîa arî mûthingu. Mbererî îo Ngai aatûîre akiragîrîria andû mevia mao.

Aroma 3:28

Nîûndû Ngai atucaga mûndû mûthingu nî nîûndû wa gwîtîkia, nwatî tî ûndû wa gwîka ûrîa Watho ugîte.

Aroma 3:30

Ngai nî ûmwe, na agaatûma Ayahudi matuîke athingu na njîra ya gwîtîkia kwao, na andû a Ndûrîrî magaatua athingu na njîra ya gwîtîkia kwao.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Agal 6:12

Andû arîa mageragia kûmûringîrîria mûrue, nî arîa mendaga gwîcaara ûvororî wîgiî maûndû mao ma mwîrî. Mekaga ûguo tu nîguo matikaanyarirwe nîûndû wa kûrûmîrîra mûtharava wa Kristû.

Aefeso 2:11

Mue mûtiaciarwa mûrî Ayahudi. Mue nîmue andû arîa Ayahudi metaga “andû matarî aruu.” (Kûrua kwao nî kwa mîîrî). Taririkanani ûrîa mwatûûraga vîndî ya tene.

Gûco 10:16

Kwoguo kuuma rîu theriani ngoro cienyu mwîyamûrîre Ngai-Mûnene na mûtigatuîke aremi rîngî.

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.

Josh 5:2

Ngai-Mûnene nîwacokire akîra Joshua atîrî, “Thondeka tûviû twa mathiga marîa maûmû mûno na ûruithie andû a Isiraeli.”

Josh 5:4

Andû a Isiraeli maaruithirue nîûndû arûme onthe arîa maaumire Misiri na maarî akûrû a kûrûa mbaara, nîmaakuîrîre werûrî mauma Misiri.