Kîam 15:6 - ÎVUKU RÎA ÛVORO MWARO

⁶ Aburamu nîwetîkirie Ngai-Mûnene. Nîûndû wa ûguo Ngai-Mûnene nîwamwîtîkîre arî mûndû mûthingu.

Kîam 15:6 ပူးပေါင်းရင်းမြစ်များ

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Thaburi 106:31

Ûndû ûcio nîwatûmire aririkanagwe ta mûndû mûthingu, kuuma vîndî îo nginya tene na tene.

Aroma 4:11

Nakuo kûrua gwake kwarî ta rûûri rwa kwonania atî nîwatuirwe mûthingu nî Ngai nîûndû wa wîtîkio wake wana mbere ya arue. Nake Iburahimu nîwatuirwe nî Ngai îthe wa Kîîroho wa arîa onthe metîkîtie, wana ethîrwa o tî aruu. Andû acio nîo Ngai atuîte athingu.

Aroma 4:9

Kîrathimo gîkî Daudi aaririe ûvoro wakîo nîkwa kîerîrwe arîa maruaga tu kana nî wana arîa mataruaga? Tugaga atî Iburahimu aatuirwe mûthingu nî Ngai nîûndû wa gwîtîkia.

2Akor 5:19

Ndûmîrîri yetû nî atî na njîra ya Kristû, Ngai nîwegwithanagia andû onthe. Ngai ndaatara mevia mao, na nîatûvete ndûmîrîri ya kwîgwithania andû nake.

Ahib 11:8

Nîûndû wa wîtîkio Iburahimu etwa nî Ngai nîwathîkire. Ngai nîwerire Iburahimu aume athiî vûrûrirî ûrîa aamwîrîrîte nî akaamûva. Iburahimu nîwatigire vûrûri wake, nwatî ndaamenyaga kûrîa aathiîte.

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.