Kîam 15:5 - ÎVUKU RÎA ÛVORO MWARO

⁵ Ngai-Mûnene nîwaumagaririe Aburamu nja na akîmwîra atîrî, “Taroria kûrîa îgûrû na ûgerie gûtara njata wone kana nîûkûvota. Njiarwa ciaku nîikengîva ta njata icio.”

Kîam 15:5 ပူးပေါင်းရင်းမြစ်များ

Kîam 12:2

Nanie nîngaakûva njiarwa nyîngî nacio nîigaatuîka rûrîrî rûnene. Nie nîngaakûrathima na ndûme rîîtwa rîaku rîgîe îgweta. Nawe ûtuîke kîrathimo.

Kîam 13:16

Nie nîngaatûma njiarwa ciaku ituîke nyîngî wata mûthetu wa nthî na gûtirî mûndû ûkaavota gûitara!

Kîam 16:10

Nîwacokire akîra Hagari atîrî, “Nîngaatûma njiarwa ciaku ciîngîve ûndû itangîtarîka.

Kîam 17:2

Nîngaarûtha kîrîkanîro nawe na ngûve njiarwa nyîngî.”

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 26:4

Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî.

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

Kîam 32:13

Ûtukû ûcio Jakovu nîwararire vandû vau, na akîthuura kîveo gîa kûva mûrwang'ina Esaû kuuma kûrî indo ciake.

1Atha 3:8

Nînie ûyû ndungata yaku nîrî gatagatî ka andû aku arîa ûthuurîte matuîka aku, andû eengî mûno ûndû matangîtarîka.

1Maû 27:23

Mûthamaki Daudi ndaanatara andû arîa maarî na ûkûrû wa nthî ya mîaka mîrongo îîrî, nîûndû Ngai-Mûnene nîwerîrîte andû a Isiraeli atî nîagaatûma mengîve wata njata cia îgûrû.

Nehemia 9:23

We nîwatûmire njiarwa ciao ciongerereke wata njata cia îgûrû. Nîwamavere vûrûrirî ûrîa werîrîte methe mao ma tene atî magaûtonya mawîgwatîre ûtuîke wao.

Ayubu 35:5

Taroria îgûrû wone, ûrorie wone matu marîa marî îgûrû rîaku.

Thaburi 147:4

Nîke ûmenyaga ûrîa njata ciîgana, na nîaciîcî cionthe na marîîtwa mau.

Ntha 32:13

Ririkana ndungata ciaku Iburahimu, Isaka, na Jakovu arîa werîre we mwene na mwîvîtwa atî nîûkengîvia njiarwa ciao ta njata cia îgûrû, na ûve njiarwa cio vûrûri ûrîa wamerîre atî nîûgaatuîka wao tene na tene.”

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Jeremia 33:22

Wata ûrîa njata cia îgûrû na mûthanga ûrîa ûrî ndeererî cia îria ûtangîtarîka, nwa ta guo ngaatûma njiarwa cia Daudi na athînjîri-Ngai a mûvîrîga wa Lawi arîa mandungatagîra mongerereke.”

Aroma 4:18

Iburahimu nîwetîkîtie na akerîgîrîra wana rîrîa ataarî na gîtûmi gîa kwîrîgîrîra. Kwoguo nîwatuîkire, “Îthe wa ndûrîrî nyîngî.” Wata ûrîa Mandîko Matheru maugîte atîrî, “Njiarwa ciaku nîikengîva ta njata cia îgûrû.”

Gûco 1:10

Ngai-Mûnene, Ngai wenyu nîatûmîte mwîngîve ta njata cia îgûrû.

Gûco 10:22

Methe menyu arîa maathiîre Misiri onthe maarî mîrongo mûgwanja. Nwatî rîu, Ngai-Mûnene Ngai wenyu nîatûmîte mwîngîve ta njata cia matuurî.

Ahib 11:12

Wana ethîrwa Iburahimu aarî ta ûyû mûkuû, kuuma kûrî ke nîgwaciarirwe andû maarî eengî ta njata cia îgûrû kana ta mûthanga ûrîa ûtangîtarîka ûrî rûtere rwa îria.

Josh 24:3

Nînaacokire ngîruta Iburahimu îthe wenyu wa tene mûringo wa rûnjî rwa Farati ngîmûvîtûkîrîria vûrûrirî wa Kanaani na nînaamûvere njiarwa nyîngî. Nînaamûvere Isaka,