Kîam 15:14 - ÎVUKU RÎA ÛVORO MWARO

¹⁴ Nwatî nie nîngaaverithia mavûrûri marîa makaamatua ngombo. Makiuma vûrûrirî ûcio mûgeni, nîmagaakuua ûtonga mwîngî.

Kîam 15:14 ပူးပေါင်းရင်းမြစ်များ

Kîam 48:21

Jakovu nîwerire Josefu atîrî, “Tathikîrîria, nîrî vakuvî gûkua, nwatî Ngai akethagîrwa arî vamwe nawe na nîakaamûcokia vûrûrirî wa methe menyu.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

Thaburi 105:42

Nîwaririkanire kîrîkanîro gîake kîtheru, kîrîa eerîre ndungata yake Iburahimu.

Thaburi 135:14

Ngai-Mûnene nîakaarîrîria andû ake, na eguîre ndungata ciake ntha.

Thaburi 135:9

Nîke waringire ciama na morirû Misiri, nîguo averithie mûthamaki wa Misiri na ndungata ciake cionthe.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Ntha 12:29

Ûtukû gatagatî Ngai-Mûnene nîwaûragire arûme onthe arîa maarî marikithathi ma andû a vûrûri wa Misiri. Maakuire mambîrîrîtue nî mûvîcî wa mûthamaki wa Misiri ûrîa warî agaatigîrwa ûthamaki nginya îrikithathi rîa andû arîa maarî ove njeera. Marikithathi ma nyamû wa namo nîmaaûragirwe.

Ntha 3:10

Rîu nîngûgûtûma ûthiî kûrî mûthamaki wa Misiri nîguo ûgatongorie andû akwa a Isiraeli kuuma vûrûri wake.”

Ciîko 7:7

Nwatî nie nîngaatuîra andû a vûrûri ûrîa njiarwa icio ûgaatungatîra. Na vuva wa ûguo njiarwa ciaku nîikaauma vûrûrirî ûcio na ingoocage irî gûkû.’

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Gûco 6:22

Nîtwonire Ngai-Mûnene akîringa ciama na agîka maûndû ma kûmakania na ma kûgegania kûrî andû a Misiri, mûthamaki na atongoria ake onthe.

Josh 24:17

Ngai-Mûnene, Ngai wetû nîke warutire methe metû tene wa natue Misiri, kûrîa twatûûraga tûrî ngombo. Nîtwonire ciama nene irîa aaringire. Rûgendorî rwetû rwa gûka gûkû nîtwavîtûkîrîre mavûrûri meengî na kûu kuonthe nî Ngai-Mûnene, Ngai wetû watûgitagîra.

1Sam 12:8

Rîrîa Jakovu na andû a mûciî wake maathiîre Misiri nao andû a Misiri makîmakînyîrîria, methe menyu ma tene nîmaathaithire Ngai-Mûnene nîguo amatethie. Nake Ngai-Mûnene nîwatûmire Musa marî na Aroni, arîa maatongoretie methe menyu ma tene makiuma Misiri, na magîûka gûtûûra vûrûrirî ûyû.