Kîam 14:20 - ÎVUKU RÎA ÛVORO MWARO

²⁰ Ngai ûrîa ûrî Îgûrû Mûno ûrîa ûmûvotithîtie kûvoota nthû cienyu arogoocwa.” Nake Aburamu nîwavere Melikizedeki gîcunjî gîa îkûmi Kîam indo cionthe irîa aacokithîtie.

Kîam 14:20 ပူးပေါင်းရင်းမြစ်များ

Kîam 14:21

Mûthamaki wa Sodomu nîwerire Aburamu atîrî, “Îkara na indo icio ciatavîtwe nwatî ûnjokerie andû akwa onthe.”

Kîam 24:27

na akiuga atîrî, “Ngai-Mûnene, Ngai wa Mwathi wakwa Iburahimu arokumua. Ke arî wendo ûtathiraga na nî mwîvokeku ûvororî wîgiî kîîranîro gîake na mwathi wakwa. Ngai-Mûnene nîandongoretie nginya ngakinya kwa andû a mwathi wakwa.”

Kîam 28:22

Îthiga rîîrî rîa kîririkano navanda, rîkethagîrwa rîrî nyomba yaku ya kûgoocagîrwa. Ngaakûvecaga gîcunjî gîa îkûmi gîa kîrîa kîonthe ûkaamvecaga.”

Kîam 47:24

Vîndî ya maketha, mûkaarutaga gîcunjî Kîam ithano Kîam maketha menyu mûkava mûthamaki. Nacio icunjî icio ciîngî inya, nîvo mûkaarutaga mbeû ya kûvanda na irio cia kûrîwa mîciîrî yenyu.”

Kîam 47:26

Kwoguo Josefu nîwavîtûkirie watho atî irio cionthe ciakethwa, gîcunjî kîmwe Kîam ithano gîkethagîrwa kîrî Kîam mûthamaki wa Misiri. Watho ûcio ûtûûraga kuo nginya ûmûnthî. Nwatî mîgûnda ya athînjîri-Ngai ndîatuîka ya mûthamaki wa Misiri.

Kîam 9:26

Ngai-Mûnene, Ngai wa Shemu arokumua, Kanaani arotuîka ngombo ya Shemu.

2Sam 18:28

Ahimaazi nîwathiîre kûrî mûthamaki na akîmûkethia. Nîwegwîthirie nthî mbere ya mûthamaki na akîmwîra atîrî, “Ngai-Mûnene, Ngai waku arogoocwa, ûrîa ûtûmîte ûvoote andû arîa marakûgomerete we mwathi wakwa!”

2Maû 31:12

Nao athînjîri-Ngai marî na wîvokeku nîmaaretire indo irîa ciarutîtwe na ciamûrîrîtwe Ngai-Mûnene, na icunjî cia îkûmi irîa andû maarutîte. Nîmaatwire Mûlawi Konania mûrûngamîrîri wa wîra ûcio, nake mûrwang'ina Shimei arî mûnini wake.

Nehemia 10:37

Wana tûkaarutaga mûtu ûthîîtwe kuuma maketharî ma mbere ma irio cia mîgûnda yetû mwaka wa mwaka, na matega mengî, ndivei na maguta, na matunda ma mîtî ya mîthemba yonthe ivirîrwe mûthînjîri-Ngai tûnyombarî twa hekarû. Tûkaviragîra Alawi matega ma mîgûnda yetû, nîûndû nîo maûnganagia gîcunjî gîa îkûmi Kîam maketha ma mîgûnda yetû icagirî cietû.

Nehemia 13:12

Andû onthe a Juda nîmaambîrîrie rîngî kûreta gîcunjî gîa îkûmi Kîam irio cia mîgûnda, ndivei, na maguta. Indo icio nîciaigirwe nyombarî cia kwigwa indo.

Thaburi 144:1

Ngai-Mûnene, îthiga rîakwa arokumua, ûrîa ûnthomithagia kûrûa na akamvarîrîria nîûndû wa mbaara.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Thaburi 68:19

Mwathani arokumua, ûrîa ûkuuaga mîrigo yetû mîthenya yonthe; nîke Ngai mûvonokia wetû.

Ntha 18:10

Nake nîwaugire atîrî, “Nîtûkumie Ngai-Mûnene ûcio wamûvonokirie kuuma kûrî mûthamaki wa Misiri na andû ake!

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Malaki 3:8

Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Ndari 28:26

“Mûthenya wa mbere wa vîndî ya kîrugo Kîam maketha, rîrîa mûkethagîrwa mûkîvirîra Ngai-Mûnene matega ma mbere, mûgaacemanagia nîguo mûgooce Ngai-Mûnene na gûtirî wîra mûrito mûkaarutaga.

Luka 18:12

Nîînyerekagia maita maîrî wa kiumia na vingo cionthe ngaruta gîcunjî gîa îkûmi gîa kîrîa kîonthe nathûkûma.’

Aroma 15:16

gûtuîka ndungata ya Kristû kûrî andû a Ndûrîrî, nîguo nîmavunjîrie ûvoro Mwaro wa Ngai nîrî ta mûthînjîri-Ngai, na nîguo andû a Ndûrîrî matuîke îgongoona rîngîtîkîrîka nî Ngai rîtheretue nî Roho Mûtheru.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Gûco 12:17

Mûtikarîe gîcunjî gîa îkûmi Kîam ngano, ndivei, maguta, marikithathi ma ndîthia yenyu ya ng'ombe kana ng'ondu, indo irîa mwîranîrîte, matega ma kwîyendera, kana matega mengî ma mûthemba wa wonthe.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 14:28

Mûthiiarî wa mwaka wa kathatû, viragani gîcunjî gîa îkûmi kuuma mîgûndarî yenyu na mûciigage matûûrarî menyu.

Josh 10:42

Joshua nîwavootire athamaki acio onthe na mavûrûri mao na mbaara ya riita rîmwe nîûndû Ngai-Mûnene, Ngai wa Isiraeli nîke wamarûagîrîra.